Krans
Bæn fyrir íslenska kaþólikka
Haltu loganum lifandi
Bænaapp fyrir íslenska kaþólikka. Bænir kirkjunnar, undirbúningur fyrir skriftir og kirkjuárið — í símanum þínum, líka án nettengingar.
Bænir og kirkjuár af catholica.is
Hvað er í Krans?
Sögurnar, endursagðar
19 sögur fyrir börn og byrjendur
Af hverju Krans?
Krans stendur fyrir þyrnikransinn sem Kristur bar — og logann sem myrkrið gat ekki slökkt. Hann er líka krans rósakransins, hringur bænarinnar sem við biðjum aftur og aftur. Ljós í miðju þjáningar; vonin sem heldur áfram að loga.
Óstaðfestur texti
Krans er smíðaður af sjálfboðaliða í Landakotskirkju, fyrir íslenska kaþólikka. Þetta er ekki fyrirtæki og ekki verkefni að utan.
Bænirnar, kirkjuárið og upplýsingar um sóknirnar eru sóttar á catholica.is, vef Reykjavíkurbiskupsdæmis. Leyndardómar rósakransins koma frá krans.is, og rósakransinn er lesinn inn af Maximo Max.
Appið er ókeypis. Engar auglýsingar, engin rakning og ekkert selt — það sem geymt er um þig er talið upp á Persónuverndarsíðunni, og það er stutt.
Það virkar án nettengingar. Þegar Krans er kominn á heimaskjáinn er hann til staðar í flugvél, í sumarbústað og í biðstofu.
Kirkjuárið stýrir öllu
Liturinn í appinu fylgir kirkjuárinu. Fjólublátt á aðventu og föstu, gyllt um jól og páska, grænt í almennum kirkjutíma og rautt á hvítasunnu.
Svona seturðu Krans upp
Krans er ekki í App Store eða Google Play. Þú setur hann beint á heimaskjáinn úr vafranum — það tekur tíu sekúndur og hann virkar eins og venjulegt forrit.