Vígslusakramentið hefur þrjú stig. Djáknar þjóna við altarið, skíra, gifta og prédika. Prestar gera það sama og auk þess það sem djákni gerir ekki: halda messu og veita aflausn í skriftum. Biskupar hafa fyllingu vígslunnar og vígja aðra.

Vígslan sjálf er handayfirlagning og bæn, og það er biskup sem vígir.

Biskupsdæmið nær yfir allt Ísland. Prestarnir sem hér þjóna koma úr ýmsum áttum og margir eru í reglum, auk reglusystra sem starfa við fræðslu og hjúkrun þótt þær séu ekki vígðar.

Hverjir mega vígjast, hvers vegna prestar eru ókvæntir í latnesku kirkjunni og hvernig maður kannar hvort hann sé kallaður — þetta eru samtöl, ekki greinar. Sá sem veltir þessu fyrir sér ætti að tala við prest eða skrifa biskupsdæminu.