Mánudagur í 4. viku páskatíðar

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Guðs föður dýrðar dásöm mynd,dagsins eilífa heilög lind,alheimsins ljós og líf og von,lof sé þér, Guðs og mannsins son.Sól þinnar náðar helg og hlýheilsar oss alla morgna ný.Hjartað vakni og heilsi þér,hylli þitt sanna ljós sem ber.Renni oss upp þín sannleikssól,sigri hún það, sem myrkrið ól,lát guðdómsanda geislann þinngreiða þér veg í hjörtun inn.Morgunn af þinni miskunn skín,myrkrin öll sigrar gæskan þín,lúti vor sála sigri þeim,sjái og boði ljóssins heim.Þú ert vor dagur, vernd og vörn,varðveit í trúnni öll þín börn.Veit oss að bera vitni þér,vera þér trú á jörðu hér.Dagurinn fagur fari um heim,finni vor sál þinn tæra hreimí gegnum alla hljóma hansmeð helgri þökk til skaparans.Lind allrar náðar, lífsins brauð,líknin í hverri þraut og nauð,alvaldi Drottinn, einum þér,eilíf vegsemd og lotning ber. Amen.

¹Drottinn, þú hefur verið oss * athvarf frá kyni til kyns.

²Áður en fjöllin fæddust og jörðin og heimurinn urðu til * frá eilífð til eilífðar ert þú, ó Guð.

³Þú lætur manninn hverfa aftur til duftsins og segir * „Hverfið aftur, þér mannanna börn!“

⁴Því að þúsund ár eru í þínum augum sem dagurinn í gær * þegar hann er liðinn, já, eins og næturvaka.

⁵Þú hrífur þá burt, sem í svefni * þá er að morgni voru sem gróandi gras.

⁶Að morgni blómgast það og grær * að kveldi fölnar það og visnar.

⁷Vér hverfum fyrir reiði þinni * skelfumst fyrir bræði þinni.

⁸Þú hefur sett misgjörðir vorar fyrir augu þér * vorar huldu syndir fyrir ljós auglitis þíns.

⁹Allir dagar vorir hverfa fyrir reiði þinni * ár vor líða sem andvarp.

¹⁰Ævidagar vorir eru sjötíu ár og þegar best lætur áttatíu ár * og dýrasta hnossið er mæða og hégómi, því að þeir líða í skyndi og vér fljúgum burt.

¹¹Hver þekkir styrkleik reiði þinnar og bræði þína * svo sem hana ber að óttast?

¹²Kenn oss að telja daga vora * að vér megum öðlast viturt hjarta.

¹³Snú þú aftur, Drottinn. Hversu lengi er þess að bíða * að þú aumkist yfir þjóna þína?

¹⁴Metta oss að morgni með miskunn þinni * að vér megum fagna og gleðjast alla daga vora.

¹⁵Veit oss gleði í stað daga þeirra * er þú hefur lægt oss, ára þeirra, er vér höfum illt reynt.

¹⁶Lát dáðir þínar birtast þjónum * þínum og dýrð þína börnum þeirra.

¹⁷Hylli Drottins, Guðs vors, sé yfir oss * styrk þú verk handa vorra.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹⁰Syngið Drottni nýjan söng, syngið lof hans til endimarka jarðarinnar * þér sem farið um hafið og allt sem í hafinu er, þér fjarlægar landsálfur og þeir sem þær byggja!

¹¹Eyðimörkin og borgir hennar og þorpin, þar sem Kedar býr * skulu hefja upp raustina. Fjallabúarnir skulu fagna, æpa af gleði ofan af fjallatindunum!

¹²Þeir skulu gefa Drottni dýrðina og * kunngjöra lof hans í fjarlægum landsálfum!

¹³Drottinn leggur af stað sem hetja, elur á hugmóð sínum eins og bardagamaður. Hann kallar * hann lýstur upp herópi, sýnir hetjuskap á óvinum sínum:

¹⁴Ég hefi þagað langan tíma, verið hljóður og stillt mig. Nú mun ég hljóða sem jóðsjúk kona * stynja og standa á öndinni í sama bili.

¹⁵Ég mun svíða fjöllin og hálsana og skrælna láta allar jurtir * er þar vaxa. Ég mun gjöra ár að eyjum og þurrka upp tjarnirnar.

¹⁶Ég mun leiða blinda menn um veg, er þeir ekki rata, færa þá um stigu * sem þeir ekki þekkja. Ég vil gjöra myrkrið fram undan þeim að ljósi og hólótt landið að jafnsléttu. Þessa hluti mun ég gjöra, og ég hætti eigi við þá.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Hallelúja. Lofið nafn Drottins * lofið hann, þér þjónar Drottni,

²er standið í húsi Drottins * í forgörðum húss Guðs vors.

³Lofið Drottin, því að Drottinn er góður * leikið fyrir nafni hans, því að það er yndislegt.

⁴Því að Drottinn hefur útvalið sér Jakob * gert Ísrael að eign sinni.

⁵Já, ég veit * að Drottinn er mikill og að Drottinn vor er öllum guðum æðri.

⁶Allt, sem Drottinn þóknast, það gjörir hann * á himni og jörðu, í hafinu og öllum djúpunum.

⁷Hann lætur skýin uppstíga frá endimörkum jarðar * gjörir eldingarnar til að búa rás regninu, hleypir vindinum út úr forðabúrum hans.

⁸Hann laust frumburði Egyptalands * bæði menn og skepnur,

⁹sendi tákn og undur yfir Egyptaland * gegn Faraó og öllum þjónum hans.

¹⁰Hann laust margar þjóðir * og deyddi volduga konunga:

¹¹Síhon, Amorítakonung, og Óg, konung í Basan * og öll konungsríki í Kanaan,

¹²og gaf lönd þeirra að erfð * að erfð Ísrael, lýð sínum.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Rm 10, 8b-10Nálægt þér er orðið, í munni þínum og í hjarta þínu. Það er: Orð trúarinnar, sem vér prédikum. Ef þú játar með munni þínum: „Jesús er Drottinn“ – og trúir í hjarta þínu, að Guð hafi uppvakið hann frá dauðum, muntu hólpinn verða. Með hjartanu er trúað til réttlætis, en með munninum játað til hjálpræðis.

Drottinn er risinn upp úr gröfinni, * hallelúja, hallelúja.

Drottinn er risinn upp úr gröfinni, * hallelúja, hallelúja.

Hann, sem hékk á krossinum fyrir oss,

hallelúja, hallelúja.

Dýrð sé Föðurnum og Syninum og hinum Heilaga Anda.

Drottinn er risinn upp úr gröfinni, * hallelúja, hallelúja.

⁶⁸Lofaður sé Drottinn, Guð Ísraels * því að hann hefur vitjað lýðs síns og búið honum lausn.

⁶⁹Hann hefur reist oss horn * hjálpræðis í húsi Davíðs þjóns síns,

⁷⁰eins og hann talaði fyrir * munn sinna heilögu spámanna frá öndverðu,

⁷¹frelsun frá óvinum vorum og úr höndum allra * er hata oss.

⁷²Hann hefur auðsýnt feðrum vorum * miskunn og minnst síns heilaga sáttmála,

⁷³þess eiðs * er hann sór Abraham föður vorum

⁷⁴að hrífa oss úr höndum óvina * og veita oss að þjóna sér óttalaust

⁷⁵í heilagleik og réttlæti fyrir * augum hans alla daga vora.

⁷⁶Og þú, sveinn! munt nefndur verða spámaður hins hæsta * því að þú munt ganga fyrir Drottni að greiða vegu hans

⁷⁷og veita lýð hans þekkingu á hjálpræðinu * sem er fyrirgefning synda þeirra.

⁷⁸Þessu veldur hjartans miskunn Guðs vors. Hún lætur * upp renna sól af hæðum að vitja vor

⁷⁹og lýsa þeim, sem sitja í myrkri og skugga dauðans * og beina fótum vorum á friðar veg.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Guð Faðirinn var vegsamaður með dauða og upprisu Sonar hans. Biðjum til hans af trausti og segjum:Drottinn, upplýstu huga vorn.Faðir ljóssins, þú lést heiminn ljóma þegar Kristur reis upp í dýrð,fyll huga vorn í dag með ljósi trúarinnar.Fyrir upprisu Sonar þíns opnaðir þú oss veginn til eilífs lífs,styð oss í verki voru í dag með dýrð vonar þinnar.Fyrir upprisinn Son þinn sendir þú Heilagan Anda í heiminn,lát hjörtu vor brenna af andlegum kærleika.Megi Jesús Kristur, sem var krossfestur til að frelsa oss,vera oss í dag hjálpræði og endurlausn.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Guð, þú hefur fyrir lítillækkun Sonar þíns reist við hinn fallna heim. Veit þínum trúuðu helga gleði svo að þú látir þá, sem þú hefur hrifið úr þrælkun syndarinnar, njóta eilífs fagnaðar. Fyrir Drottin vorn Jesúm Krist, Son þinn, sem með þér lifir og ríkir í einingu Heilags Anda, Guð, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Hann sagði við þá: Sjá, ég kem í skýjum,og sólin brosti í tærum augum hans.Þeir skildu ei það ljós, sem lýsti af honum,en lutu þöglir ásýnd þessa manns.Og senn hann kvaddi þá með hryggð í hjarta,með himindjúpa kvöl í brjósti sér,og krossinn bar hann, kærleikanum hlýðinn,– og kveikti sól, er lýsir mér og þér.Og föður sínum fól hann drauminn stóraum frið og líkn, og bað í hinsta sinnog hneigði andlit hljótt og sagði: Faðir,í hendur þínar fel ég anda minn.Á þriðja degi reis hann upp og áttienn orðastað við þá, sem biðu hans.Þeir vissu nú, að hann var Herrann sjálfurog holdi klæddur Guð í sporum manns.Og enn hann segir: Sjá, ég kem í skýjum,og sendir þá, er lúta ásýnd hans,að boða líkn og lífið í hans nafniog leiða saman vegu Guðs og manns.Og þó að páskahretin hurðir lemji,er hitt jafn víst, að sólin brýst í gegn.Í þessum heimi illra verka og óttaer ekkert það, sem honum er um megn.Svo heiti' eg loks á hurðir þínar, Jesús,ó, heyr þú mig, er stend ég þar við dyr.Ég kalla á þig og krýp í þínu nafni,ó, Kristur minn, sem barnið áður fyr. Amen.

¹Þakkið Drottni, því að hann er góður * því að miskunn hans varir að eilífu.

²Þakkið Guði guðanna * því að miskunn hans varir að eilífu,

³þakkið Drottni drottnanna * því að miskunn hans varir að eilífu,

⁴honum, sem einn gjörir mikil dásemdarverk * því að miskunn hans varir að eilífu,

⁵honum, sem skapaði himnana með speki * því að miskunn hans varir að eilífu,

⁶honum, sem breiddi jörðina út á vötnunum * því að miskunn hans varir að eilífu,

⁷honum, sem skapaði stóru ljósin * því að miskunn hans varir að eilífu,

⁸sólina til þess að ráða deginum * því að miskunn hans varir að eilífu,

⁹tunglið og stjörnurnar til þess að ráða nóttunni * því að miskunn hans varir að eilífu,

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹⁰honum, sem laust Egypta með deyðing frumburðanna * því að miskunn hans varir að eilífu,

¹¹og leiddi Ísrael burt frá þeim * því að miskunn hans varir að eilífu,

¹²með sterkri hendi og útréttum armlegg * því að miskunn hans varir að eilífu,

¹³honum, sem skipti Rauðahafinu sundur * því að miskunn hans varir að eilífu,

¹⁴og lét Ísrael ganga gegnum það * því að miskunn hans varir að eilífu,

¹⁵og keyrði Faraó og her hans út í Rauðahafið * því að miskunn hans varir að eilífu,

¹⁶honum, sem leiddi lýð sinn gegnum eyðimörkina * því að miskunn hans varir að eilífu,

¹⁷honum, sem laust mikla konunga * því að miskunn hans varir að eilífu,

¹⁸og deyddi volduga konunga * því að miskunn hans varir að eilífu,

¹⁹Síhon Amorítakonung * því að miskunn hans varir að eilífu,

²⁰og Óg konung í Basan * því að miskunn hans varir að eilífu,

²¹og gaf land þeirra að erfð * því að miskunn hans varir að eilífu,

²²að erfð Ísrael þjóni sínum * því að miskunn hans varir að eilífu,

²³honum, sem minntist vor í læging vorri * því að miskunn hans varir að eilífu,

²⁴og frelsaði oss frá fjandmönnum vorum * því að miskunn hans varir að eilífu,

²⁵sem gefur fæðu öllu holdi * því að miskunn hans varir að eilífu.

²⁶Þakkið Guði himnanna * því að miskunn hans varir að eilífu.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

³Lofaður sé Guð og faðir Drottins vors Jesú Krists * sem í Kristi hefur blessað oss með hvers konar andlegri blessun í himnahæðum.

⁴Áður en heimurinn var grundvallaður hefur hann útvalið oss í Kristi * til þess að vér værum heilagir og lýtalausir fyrir honum. Í kærleika sínum

⁵ákvað hann fyrirfram að veita oss sonarrétt í * Jesú Kristi. Sá var vilji hans og velþóknun

⁶til vegsemdar dýrð hans og náð * sem hann lét oss í té í sínum elskaða syni.

⁷Í honum, fyrir hans blóð eigum * vér endurlausnina og fyrirgefningu afbrota vorra.

⁸Svo auðug er náð hans * sem hann gaf oss ríkulega með hvers konar vísdómi og skilningi.

⁹Og hann kunngjörði oss leyndardóm vilja síns * þá ákvörðun,

¹⁰sem hann hafði með sjálfum sér ákveðið að framkvæma, er fylling tímans kæmi * Hann ætlaði að safna öllu því sem er í Kristi, á himnum, og því, sem er á jörðu, undir eitt höfuð í honum.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Heb 8, 1b-3aVér höfum þann æðsta prest, er settist til hægri handar við hásæti hátignarinnar á himnum. Hann er helgiþjónn helgidómsins og tjaldbúðarinnar, hinnar sönnu, sem Drottinn reisti, en eigi maður. Sérhver æðsti prestur er skipaður til þess að bera fram bæði gjafir og fórnir.

Lærisveinarnir fögnuðu, * hallelúja, hallelúja.

Lærisveinarnir fögnuðu, * hallelúja, hallelúja.

Þegar þeir sáu Drottin upp risinn,

hallelúja, hallelúja.

Dýrð sé Föðurnum og Syninum og hinum Heilaga Anda.

Lærisveinarnir fögnuðu, * hallelúja, hallelúja.

⁴⁶Önd mín miklar Drottin

⁴⁷og andi minn gleðst í Guði * frelsara mínum.

⁴⁸Því að hann hefur litið til ambáttar sinnar í smæð hennar * héðan af munu allar kynslóðir mig sæla segja.

⁴⁹Því að mikla hluti hefur hinn voldugi við mig gjört * og heilagt er nafn hans.

⁵⁰Miskunn hans við þá, er óttast hann * varir frá kyni til kyns.

⁵¹Máttarverk hefur hann unnið með armi sínum og * drembilátum í hug og hjarta hefur hann tvístrað.

⁵²Valdhöfum hefur hann steypt af * stóli og upp hafið smælingja,

⁵³hungraða hefur hann fyllt gæðum * en látið ríka tómhenta frá sér fara.

⁵⁴Hann hefur minnst miskunnar sinnar og * tekið að sér Ísrael, þjón sinn,

⁵⁵eins og hann talaði til feðra vorra * við Abraham og sæði hans ævinlega.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Einlæglega og auðmjúklega biðjum vér Guð, sem hugsar um alla menn, og hrópum:Drottinn, heimsæktu lýð þinn.Sameina Kirkjuna.Varðveittu páfa vorn N.Verndaðu biskup vorn N.Vertu nálægur trúboðum.Íklæddu presta réttlæti.Helgaðu klausturfólk.Slökktu óvináttu.Nærðu börn með náð þinni.Gef að æskan dafni í visku.Huggaðu og styddu gamalt fólk.Vertu gjafmildur við vini vora.Taktu látna í tölu heilagra.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Guð, þú hefur fyrir lítillækkun Sonar þíns reist við hinn fallna heim. Veit þínum trúuðu helga gleði svo að þú látir þá, sem þú hefur hrifið úr þrælkun syndarinnar, njóta eilífs fagnaðar. Fyrir Drottin vorn Jesúm Krist, Son þinn, sem með þér lifir og ríkir í einingu Heilags Anda, Guð, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Ég játa fyrir almáttugum Guðiog yður, bræður og systur,að ég hef syndgað mjögí hugsun, orði, athöfnog vanrækslu:mín sök, mín sök, mín mikla sök.Því bið ég alsæla Maríu, ætíð mey,alla engla og dýrlingaog yður, bræður og systur,að biðja fyrir mér við Guð, Drottin vorn.Almáttugur Guð miskunni oss,fyrirgefi oss syndir vorar og leiði oss til eilífs lífs.Amen.

Konungur lífsins kemur hér til sala,kveður til fylgdar börnin jarðardala,undan þeim fer hann, friðarmerkið ber hann,frelsari er hann.Hertygi ljóssins lífsins konung skrýða,lýsir af bitru orðsins sverði víða,konungs á höfði kostuleg mun skartakórónan bjarta.Alvæpni Guðs hann öllum mönnum gefur,eðalstein lífsins hann á skjöldinn grefur,skeyti þá engin skaða mega vinna,skjól er hann sinna.Fátæka barn, til fylgdar þig hann krefur,fegurstu kosti eilífs lífs hann gefur,sakleysið verndar, sorg í gleði breytir,sigurinn veitir.Styrki oss Guð að velja veginn rétta,viskan og náðin sveig úr rósum flétta,undan þér fer hann, friðarmerkið ber hann,frelsari er hann. Amen.

¹Hneig eyra þitt, Drottinn, og bænheyr mig * því að ég er hrjáður og snauður.

²Vernda sál mína, því að ég er helgaður þér * hjálpa þú, Guð minn, þjóni þínum, er treystir þér.

³Ver mér náðugur, Drottinn * því þig ákalla ég allan daginn.

⁴Gleð þú sál þjóns þíns * því að til þín, Drottinn, hef ég sál mína.

⁵Þú, Drottinn, ert góður og fús til að fyrirgefa * gæskuríkur öllum þeim er ákalla þig.

⁶Hlýð, Drottinn * á bæn mína og gef gaum grátbeiðni minni.

⁷Þegar ég er í nauðum staddur ákalla ég þig * því að þú bænheyrir mig.

⁸Enginn er sem þú meðal guðanna * Drottinn, og ekkert er sem þín verk.

⁹Allar þjóðir, er þú hefur skapað * munu koma og falla fram fyrir þér, Drottinn, og tigna nafn þitt.

¹⁰Því að þú ert mikill og gjörir furðuverk * þú einn, ó Guð!

¹¹Vísa mér veg þinn, Drottinn, lát mig ganga í sannleika þínum * gef mér heilt hjarta, að ég tigni nafn þitt.

¹²Ég vil lofa þig, Drottinn, Guð minn * af öllu hjarta og heiðra nafn þitt að eilífu,

¹³því að miskunn þín er mikil við mig * og þú hefur frelsað sál mína frá djúpi Heljar.

¹⁴Ofstopamenn hefjast gegn mér, ó Guð * og hópur ofríkismanna sækist eftir sál minni, eigi hafa þeir þig fyrir augum.

¹⁵En þú, Drottinn, ert miskunnsamur og líknsamur Guð * þolinmóður og gæskuríkur og harla trúfastur.

¹⁶Snú þér að mér og ver mér náðugur * veit þjóni þínum kraft þinn og hjálpa syni ambáttar þinnar.

¹⁷Gjör þú tákn til góðs fyrir mig, að hatursmenn mínir megi horfa á það sneyptir * að þú, Drottinn, hjálpar mér og huggar mig.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Sbr. 1Þ 5, 9-10Guð hefur ekki ætlað oss til að verða reiðinni að bráð, heldur til að öðlast sáluhjálp fyrir Drottin vorn Jesúm Krist, sem dó fyrir oss, til þess að vér mættum lifa með honum, hvort sem vér vökum eða sofum.

Drottinn, í þínar hendur fel ég anda minn. * Hallelúja, hallelúja.

Drottinn, í þínar hendur fel ég anda minn. * Hallelúja, hallelúja.

Þú hefur frelsað oss, Drottinn, sannleikans Guð.

Hallelúja, hallelúja.

Dýrð sé Föðurnum og Syninum og hinum Heilaga Anda.

Drottinn, í þínar hendur fel ég anda minn. * Hallelúja, hallelúja.

¹Nú lætur þú, Drottinn, þjón þinn í friði fara, * eins og þú hefir heitið mér,

²því að augu mín hafa séð * hjálpræði þitt,

³sem þú hefir opinberað * í augsýn allra lýða,

⁴ljós til opinberunar heiðingjum * og til vegsemdar lýð þínum Ísrael.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Drottinn, veit líkömum vorum hvíld í svefni og lát þau störf er vér höfum í dag unnið, vera undirbúning hinnar eilífu uppskeru. Fyrir Krist, Drottin vorn.Amen.

Drottinn veiti oss hljóða nótt og ákjósanleg ævilok. Amen.

Fagna þú, Drottning himinsins,hallelúja (hallelúja),Því að hann sem þér veittist sú náð að ganga með,hallelúja (hallelúja),Hann er upprisinn, svo sem hann sagði,hallelúja (hallelúja);Bið Guð fyrir osshallelúja (hallelúja).