Föstudagur í 4. viku páskatíðar

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Guðs föður dýrðar dásöm mynd,dagsins eilífa heilög lind,alheimsins ljós og líf og von,lof sé þér, Guðs og mannsins son.Sól þinnar náðar helg og hlýheilsar oss alla morgna ný.Hjartað vakni og heilsi þér,hylli þitt sanna ljós sem ber.Renni oss upp þín sannleikssól,sigri hún það, sem myrkrið ól,lát guðdómsanda geislann þinngreiða þér veg í hjörtun inn.Morgunn af þinni miskunn skín,myrkrin öll sigrar gæskan þín,lúti vor sála sigri þeim,sjái og boði ljóssins heim.Þú ert vor dagur, vernd og vörn,varðveit í trúnni öll þín börn.Veit oss að bera vitni þér,vera þér trú á jörðu hér.Dagurinn fagur fari um heim,finni vor sál þinn tæra hreimí gegnum alla hljóma hansmeð helgri þökk til skaparans.Lind allrar náðar, lífsins brauð,líknin í hverri þraut og nauð,alvaldi Drottinn, einum þér,eilíf vegsemd og lotning ber. Amen.

¹Til söngstjórans. Sálmur Davíðs,

²þá er Natan spámaður kom til hans * eftir að hann hafði gengið inn til Batsebu.

³Guð, vertu mér náðugur sakir elsku þinnar * afmá brot mín sakir þinnar miklu miskunnsemi.

⁴Þvo mig hreinan af misgjörð minni * hreinsa mig af synd minni,

⁵því að ég þekki sjálfur afbrot mín * og synd mín stendur mér stöðugt fyrir hugskotssjónum.

⁶Gegn þér einum hefi ég syndgað og gjört það sem illt er í augum þínum. Því ert þú réttlátur * er þú talar, hreinn, er þú dæmir.

⁷Sjá, sekur var ég, er ég varð til * syndugur, er móðir mín fæddi mig.

⁸Sjá, þú hefur þóknun á hreinskilni hið innra * og í fylgsnum hjartans kennir þú mér visku!

⁹Hreinsa mig með ísóp, svo að ég verði hreinn * þvo mig, svo að ég verði hvítari en mjöll.

¹⁰Lát mig heyra fögnuð og gleði * lát kætast beinin sem þú hefur sundurmarið.

¹¹Byrg auglit þitt fyrir syndum * mínum og afmá allar misgjörðir mínar.

¹²Skapa í mér hreint hjarta, ó Guð * og veit mér nýjan, stöðugan anda.

¹³Varpa mér ekki burt frá augliti þínu * og tak ekki þinn heilaga anda frá mér.

¹⁴Veit mér aftur fögnuð þíns hjálpræðis * og styð mig með fúsleiks anda,

¹⁵að ég megi kenna afbrotamönnum vegu þína * og syndarar megi hverfa aftur til þín.

¹⁶Frelsa mig frá dauðans háska, Guð hjálpræðis míns * lát tungu mína fagna yfir réttlæti þínu.

¹⁷Drottinn, opna varir mínar * svo að munnur minn kunngjöri lof þitt!

¹⁸Þú hefur ekki þóknun á sláturfórnum – annars mundi ég láta þær í té * og að brennifórnum er þér ekkert yndi.

¹⁹Guði þekkar fórnir eru sundurmarinn andi * sundurmarið og sundurkramið hjarta munt þú, ó Guð, eigi fyrirlíta.

²⁰Gjör vel við Síon sakir náðar þinnar * reis múra Jerúsalem!

²¹Þá munt þú hafa þóknun á réttum fórnum, á brennifórn og alfórn * þá munu menn bera fram uxa á altari þitt.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

⁸Snúið yður því, þér syndarar, og gjörið réttlæti frammi fyrir Guði og trúið því * að hann muni sýna yður miskunn sína.

⁹Og ég og sál * mín munum gleðjast í honum.

¹⁰Blessið Drottin, allir hans útvöldu * haldið gleðidaga og gefið honum dýrð.

¹¹Jerúsalem, borg Guðs * Drottinn hefur agað þig fyrir verk handa þinna.

¹³Þú munt skína dýrlegu ljósi * og öll endimörk jarðarinnar munu tilbiðja þig.

¹⁴Þjóðir munu koma til þín úr fjarlægð og færa gjafir * og tilbiðja Drottin í þér og telja land þitt heilagt.

¹⁵Því að þeir munu ákalla * hið mikla nafn í þér.

¹⁶Bölvaðir munu þeir verða, sem fyrirlíta þig, og dæmdir munu þeir verða * sem lastmæla þér; en blessaðir munu þeir verða, sem reisa þig upp.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹²Vegsama Drottin, Jerúsalem * lofa þú Guð þinn, Síon,

¹³því að hann hefur gjört sterka slagbrandana fyrir hliðum þínum * blessað börn þín, sem í þér eru.

¹⁴Hann gefur landi þínu frið * seður þig á hinu kjarnbesta hveiti.

¹⁵Hann sendir orð sitt til jarðar * boð hans hleypur með hraða.

¹⁶Hann gefur snjó eins og ull * stráir út hrími sem ösku.

¹⁷Hann sendir hagl sitt sem brauðmola * hver fær staðist frost hans?

¹⁸Hann sendir út orð sitt og lætur ísinn þiðna * lætur vind sinn blása, og vötnin renna.

¹⁹Hann kunngjörði Jakob orð sitt * Ísrael lög sín og ákvæði.

²⁰Svo hefur hann eigi gjört við neina þjóð * þeim kennir hann ekki ákvæði sín. Hallelúja.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

P 5, 30-32Guð feðra vorra hefur upp vakið Jesú, sem þér hengduð á tré og tókuð af lífi. Hann hefur Guð hafið sér til hægri handar og gjört hann að foringja og frelsara til að veita Ísrael afturhvarf og fyrirgefningu synda sinna. Vér erum vottar alls þessa, og Heilagur Andi, sem Guð hefur gefið þeim, er honum hlýða.

Drottinn er risinn upp úr gröfinni, * hallelúja, hallelúja.

Drottinn er risinn upp úr gröfinni, * hallelúja, hallelúja.

Hann, sem hékk á krossinum fyrir oss,

hallelúja, hallelúja.

Dýrð sé Föðurnum og Syninum og hinum Heilaga Anda.

Drottinn er risinn upp úr gröfinni, * hallelúja, hallelúja.

⁶⁸Lofaður sé Drottinn, Guð Ísraels * því að hann hefur vitjað lýðs síns og búið honum lausn.

⁶⁹Hann hefur reist oss horn * hjálpræðis í húsi Davíðs þjóns síns,

⁷⁰eins og hann talaði fyrir * munn sinna heilögu spámanna frá öndverðu,

⁷¹frelsun frá óvinum vorum og úr höndum allra * er hata oss.

⁷²Hann hefur auðsýnt feðrum vorum * miskunn og minnst síns heilaga sáttmála,

⁷³þess eiðs * er hann sór Abraham föður vorum

⁷⁴að hrífa oss úr höndum óvina * og veita oss að þjóna sér óttalaust

⁷⁵í heilagleik og réttlæti fyrir * augum hans alla daga vora.

⁷⁶Og þú, sveinn! munt nefndur verða spámaður hins hæsta * því að þú munt ganga fyrir Drottni að greiða vegu hans

⁷⁷og veita lýð hans þekkingu á hjálpræðinu * sem er fyrirgefning synda þeirra.

⁷⁸Þessu veldur hjartans miskunn Guðs vors. Hún lætur * upp renna sól af hæðum að vitja vor

⁷⁹og lýsa þeim, sem sitja í myrkri og skugga dauðans * og beina fótum vorum á friðar veg.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Guð Faðirinn reisti Krist upp fyrir Heilagan Anda, og hann mun einnig reisa upp vora dauðlegu líkama. Hrópum til hans og segjum:Drottinn, reistu oss til lífsins fyrir Heilagan Anda þinn.Alheilagi Faðir, þú tókst við fórnfæringu Sonar þíns og reistir hann upp frá dauðum,tak við því sem vér berum fram í dag og leið oss til eilífs lífs.Lít með velþóknun á allt það sem vér gerum í dag,til að það megi vera þér til dýrðar og heiminum til helgunar.Megi verk vort í dag bera árangur heiminum öllum til heilla,og leið oss fyrir það til ríkis þíns.Opna augu vor í dag og lát oss þekkja þarfir bræðra vorra og systra og hjörtu vor að elska þau,til að vér megum elska og þjóna hvert öðru.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Guð, þú ert frumkvöðull frelsis vors og hjálpræðis. Heyr þú oss, sem biðjum auðmjúklega og þú hefur endurleyst fyrir að Sonur þinn úthellti blóði sínu. Veit að oss auðnist að lifa fyrir þig og að vér gleðjumst yfir varanlegri heilbrigði vorri í þér. Fyrir Drottin vorn Jesúm Krist, Son þinn, sem með þér lifir og ríkir í einingu Heilags Anda, Guð, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Hann sagði við þá: Sjá, ég kem í skýjum,og sólin brosti í tærum augum hans.Þeir skildu ei það ljós, sem lýsti af honum,en lutu þöglir ásýnd þessa manns.Og senn hann kvaddi þá með hryggð í hjarta,með himindjúpa kvöl í brjósti sér,og krossinn bar hann, kærleikanum hlýðinn,– og kveikti sól, er lýsir mér og þér.Og föður sínum fól hann drauminn stóraum frið og líkn, og bað í hinsta sinnog hneigði andlit hljótt og sagði: Faðir,í hendur þínar fel ég anda minn.Á þriðja degi reis hann upp og áttienn orðastað við þá, sem biðu hans.Þeir vissu nú, að hann var Herrann sjálfurog holdi klæddur Guð í sporum manns.Og enn hann segir: Sjá, ég kem í skýjum,og sendir þá, er lúta ásýnd hans,að boða líkn og lífið í hans nafniog leiða saman vegu Guðs og manns.Og þó að páskahretin hurðir lemji,er hitt jafn víst, að sólin brýst í gegn.Í þessum heimi illra verka og óttaer ekkert það, sem honum er um megn.Svo heiti' eg loks á hurðir þínar, Jesús,ó, heyr þú mig, er stend ég þar við dyr.Ég kalla á þig og krýp í þínu nafni,ó, Kristur minn, sem barnið áður fyr. Amen.

¹Ég vil vegsama þig, ó Guð minn, þú konungur * og prísa nafn þitt um aldur og ævi.

²Á hverjum degi vil ég prísa þig * og lofa nafn þitt um aldur og ævi.

³Mikill er Drottinn og mjög vegsamlegur * mikilleikur hans er órannsakanlegur.

⁴Ein kynslóðin vegsamar verk þín * fyrir annarri og kunngjörir máttarverk þín.

⁵Þær segja frá tign og dýrð vegsemdar þinnar * „Ég vil syngja um dásemdir þínar.“

⁶Og um mátt ógnarverka þinna tala þær * „Ég vil segja frá stórvirkjum þínum.“

⁷Þær minna á þína miklu * gæsku og fagna yfir réttlæti þínu.

⁸Náðugur og miskunnsamur er Drottinn * þolinmóður og mjög gæskuríkur.

⁹Drottinn er öllum góður * og miskunn hans er yfir öllu, sem hann skapar.

¹⁰Öll sköpun þín lofar þig * Drottinn, og dýrkendur þínir prísa þig.

¹¹Þeir tala um dýrð konungdóms þíns * segja frá veldi þínu.

¹²Þeir kunngjöra mönnum veldi þitt * hina dýrlegu tign konungdóms þíns.

¹³Konungdómur þinn er konungdómur um allar aldir og ríki þitt stendur frá kyni til * kyns. Drottinn er trúfastur í öllum orðum sínum og miskunnsamur í öllum verkum sínum.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹⁴Drottinn styður alla þá, er ætla að hníga * og reisir upp alla niðurbeygða.

¹⁵Allra augu vona á þig * og þú gefur þeim fæðu þeirra á réttum tíma.

¹⁶Þú lýkur upp hendi þinni og * seður allt sem lifir með blessun.

¹⁷Drottinn er réttlátur á öllum sínum * vegum og miskunnsamur í öllum sínum verkum.

¹⁸Drottinn er nálægur öllum sem ákalla hann * öllum sem ákalla hann í einlægni.

¹⁹Hann uppfyllir ósk þeirra er óttast hann * og hróp þeirra heyrir hann og hjálpar þeim.

²⁰Drottinn varðveitir alla þá er elska hann * en útrýmir öllum níðingum.

²¹Munnur minn skal mæla orðstír Drottins * allt hold vegsami hans heilaga nafn um aldur og ævi.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

³Og þeir syngja söng Móse, Guðs þjóns, og söng lambsins og segja: Mikil og dásamleg eru verkin þín * Drottinn Guð, þú alvaldi, réttlátir og sannir eru vegir þínir, þú konungur aldanna.

⁴Hver skyldi ekki óttast, Drottinn, og vegsama nafn þitt? Því að þú einn ert heilagur * allar þjóðir munu koma og tilbiðja frammi fyrir þér, því að réttlátir dómar þínir eru opinberir orðnir.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Heb 5, 8-10Þótt Kristur væri Sonur, lærði hann hlýðni af því, sem hann leið. Þegar hann var orðinn fullkominn, gjörðist hann öllum þeim, er honum hlýða, höfundur eilífs hjálpræðis, af Guði nefndur æðsti prestur að hætti Melkísedeks.

Lærisveinarnir fögnuðu, * hallelúja, hallelúja.

Lærisveinarnir fögnuðu, * hallelúja, hallelúja.

Þegar þeir sáu Drottin upp risinn,

hallelúja, hallelúja.

Dýrð sé Föðurnum og Syninum og hinum Heilaga Anda.

Lærisveinarnir fögnuðu, * hallelúja, hallelúja.

⁴⁶Önd mín miklar Drottin

⁴⁷og andi minn gleðst í Guði * frelsara mínum.

⁴⁸Því að hann hefur litið til ambáttar sinnar í smæð hennar * héðan af munu allar kynslóðir mig sæla segja.

⁴⁹Því að mikla hluti hefur hinn voldugi við mig gjört * og heilagt er nafn hans.

⁵⁰Miskunn hans við þá, er óttast hann * varir frá kyni til kyns.

⁵¹Máttarverk hefur hann unnið með armi sínum og * drembilátum í hug og hjarta hefur hann tvístrað.

⁵²Valdhöfum hefur hann steypt af * stóli og upp hafið smælingja,

⁵³hungraða hefur hann fyllt gæðum * en látið ríka tómhenta frá sér fara.

⁵⁴Hann hefur minnst miskunnar sinnar og * tekið að sér Ísrael, þjón sinn,

⁵⁵eins og hann talaði til feðra vorra * við Abraham og sæði hans ævinlega.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Einlæglega og auðmjúklega biðjum vér Guð, sem hugsar um alla menn, og hrópum:Drottinn, vér treystum þér.Fullkomnaðu Kirkju þína.Verndaðu páfa vorn N.Styrktu biskup vorn N.Vertu hjá samfélagi biskupa.Hjálpaðu heimilislausum mönnum.Svalaðu hungruðum.Lýstu blindum.Huggaðu gamalt fólk.Styrktu helgaðar meyjar.Kallaðu gyðingaþjóðina til hins nýja sáttmála.Veittu löggjöfum visku.Gefðu styrk mönnum í freistni.Leiddu látna í hið eilífa ljós.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Guð, þú ert frumkvöðull frelsis vors og hjálpræðis. Heyr þú oss, sem biðjum auðmjúklega og þú hefur endurleyst fyrir að Sonur þinn úthellti blóði sínu. Veit að oss auðnist að lifa fyrir þig og að vér gleðjumst yfir varanlegri heilbrigði vorri í þér. Fyrir Drottin vorn Jesúm Krist, Son þinn, sem með þér lifir og ríkir í einingu Heilags Anda, Guð, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Ég játa fyrir almáttugum Guðiog yður, bræður og systur,að ég hef syndgað mjögí hugsun, orði, athöfnog vanrækslu:mín sök, mín sök, mín mikla sök.Því bið ég alsæla Maríu, ætíð mey,alla engla og dýrlingaog yður, bræður og systur,að biðja fyrir mér við Guð, Drottin vorn.Almáttugur Guð miskunni oss,fyrirgefi oss syndir vorar og leiði oss til eilífs lífs.Amen.

Konungur lífsins kemur hér til sala,kveður til fylgdar börnin jarðardala,undan þeim fer hann, friðarmerkið ber hann,frelsari er hann.Hertygi ljóssins lífsins konung skrýða,lýsir af bitru orðsins sverði víða,konungs á höfði kostuleg mun skartakórónan bjarta.Alvæpni Guðs hann öllum mönnum gefur,eðalstein lífsins hann á skjöldinn grefur,skeyti þá engin skaða mega vinna,skjól er hann sinna.Fátæka barn, til fylgdar þig hann krefur,fegurstu kosti eilífs lífs hann gefur,sakleysið verndar, sorg í gleði breytir,sigurinn veitir.Styrki oss Guð að velja veginn rétta,viskan og náðin sveig úr rósum flétta,undan þér fer hann, friðarmerkið ber hann,frelsari er hann. Amen.

¹Syngist með Makalat–lagi. Hemans–maskíl Esraíta.

²Drottinn, Guð minn, ég kalla um daga * um nætur hrópa ég frammi fyrir þér.

³Lát bæn mína koma fyrir þig * hneig eyra að hrópi mínu,

⁴því að sál mín er mett orðin af böli * og líf mitt nálægist Hel.

⁵Ég er talinn með þeim * sem gengnir eru til grafar, ég er sem magnþrota maður.

⁶Mér er fenginn bústaður með framliðnum, eins og vegnum mönnum, er liggja í gröfinni * er þú minnist eigi framar, því að þeir eru hrifnir burt úr hendi þinni.

⁷Þú hefur lagt mig í gryfju undirheima * í myrkrið niðri í djúpinu.

⁸Reiði þín hvílir á mér * og alla boða þína hefur þú látið skella á mér. [Sela]

⁹Þú hefur fjarlægt frá mér kunningja mína * gjört mig að andstyggð í augum þeirra. Ég er byrgður inni og kemst ekki út,

¹⁰augu mín eru döpruð af eymd. Ég ákalla þig * Drottinn, dag hvern, breiði út hendurnar í móti þér.

¹¹Gjörir þú furðuverk vegna látinna * eða munu hinir dauðu rísa upp til þess að lofa þig? [Sela]

¹²Er sagt frá miskunn þinni í gröfinni * frá trúfesti þinni í undirdjúpunum?

¹³Eru furðuverk þín kunngjörð í myrkrinu * eða réttlæti þitt í landi gleymskunnar?

¹⁴En ég hrópa til þín, Drottinn * og á morgnana kemur bæn mín fyrir þig.

¹⁵Hví útskúfar þú, Drottinn, sálu minni * hylur auglit þitt fyrir mér?

¹⁶Ég er hrjáður og aðþrengdur frá æsku * ég ber skelfingar þínar og er ráðþrota.

¹⁷Reiðiblossar þínir ganga yfir mig * ógnir þínar eyða mér.

¹⁸Þær umkringja mig eins og vötn allan liðlangan daginn * lykja um mig allar saman.

¹⁹Þú hefur fjarlægt frá mér ástvini og * félaga og gjört myrkrið að kunningja mínum.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Sbr. Jer 14, 9Þú ert mitt á meðal vor, Drottinn, og vér erum nefndir eftir nafni þínu. Yfirgef oss eigi!

Drottinn, í þínar hendur fel ég anda minn. * Hallelúja, hallelúja.

Drottinn, í þínar hendur fel ég anda minn. * Hallelúja, hallelúja.

Þú hefur frelsað oss, Drottinn, sannleikans Guð.

Hallelúja, hallelúja.

Dýrð sé Föðurnum og Syninum og hinum Heilaga Anda.

Drottinn, í þínar hendur fel ég anda minn. * Hallelúja, hallelúja.

¹Nú lætur þú, Drottinn, þjón þinn í friði fara, * eins og þú hefir heitið mér,

²því að augu mín hafa séð * hjálpræði þitt,

³sem þú hefir opinberað * í augsýn allra lýða,

⁴ljós til opinberunar heiðingjum * og til vegsemdar lýð þínum Ísrael.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Almáttugi Guð, veit oss náð til að sameinast eingetnum Syni þínum, sem þoldi dauða og gröf, svo að vér fáum risið upp til nýs lífs ásamt honum, sem lifir og ríkir um aldir alda.Amen.

Drottinn veiti oss hljóða nótt og ákjósanleg ævilok. Amen.

Fagna þú, Drottning himinsins,hallelúja (hallelúja),Því að hann sem þér veittist sú náð að ganga með,hallelúja (hallelúja),Hann er upprisinn, svo sem hann sagði,hallelúja (hallelúja);Bið Guð fyrir osshallelúja (hallelúja).