Dýridagur

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Fyrst boðar Guð sitt blessað náðarorðið,svo býður hann sitt ríka kærleiksborðiðog sendir einkason sinn til að kallatil sinnar kvöldmáltíðar alla – alla.En fyrsti' og annar afsökunar biðja,og eins fer fyrir boðsmanninum þriðja,og það er kunngjört Herra hefðarríkum,að heimsins börn ei sinni boðskap slíkum.Þá spyr hann að, hvort veikir ekki vilji,hvort volaðir og blindir ekki skilji,þá býður hann þeim bjargarlausu' og snauðu,þeim breysku, særðu, föllnu, týndu' og dauðu.Hvert orð er sterkast? Orðið hans, er kallar.Sjá, einnig dauðir ganga lífs til hallar,þeir koma' í hópum, heimurinn sem smáir,en Herrann segir: "Þeir eru' enn of fáir."Hann býður ennþá: "Farið, laðið, leiðið,og leitið, kallið, biðjið, þrýstið, neyðið,mitt kærleiks djúp á himins víðar hallir,í húsi mínu rúmast allir – allir."Ó, Drottinn, þú, sem býður, biður, neyðir,ég blindur er, en sonur þinn mig leiðirfrá synd og hættum gegnum dauðans dalinn,í dýrðar þinnar fagra gleðisalinn. Amen.Eða:Verbum supérnum pródiensnec Patris linquens déxteram,ad opus suum éxiensvenit ad vitæ vésperam.In mortem a discípulosuis tradéndus áemulis,prius in vitæ férculose trádidit discípulis.Quibus sub bina spéciecarnem dedit et sánguinem,ut dúplicis substántiætotum cibáret hóminem.Se nascens dedit sócium,convéscens in edúlium,se móriens in prétium,se regnans dat in práemium.O salutáris hóstia,quæ cæli pandis óstium,bella premunt hostília:da robur, fer auxílium.Uni trinóque Dóminosit sempitérna glória,qui vitam sine términonobis donet in pátria. Amen.

²Drottinn, þú ert minn Guð, þín leita ég, sál mína þyrstir eftir þér * hold mitt þráir þig, í þurru landi, örþrota af vatnsleysi.

³Þannig hefi ég litast um eftir þér í * helgidóminum til þess að sjá veldi þitt og dýrð,

⁴því að miskunn þín er mætari * en lífið. Varir mínar skulu vegsama þig.

⁵Þannig skal ég lofa þig meðan lifi * hefja upp hendurnar í þínu nafni.

⁶Sál mín mettast sem af merg og feiti * og með fagnandi vörum lofar þig munnur minn,

⁷þá er ég minnist þín í hvílu minni * hugsa um þig á næturvökunum.

⁸Því að þú ert mér fulltingi * í skugga vængja þinna fagna ég.

⁹Sál mín heldur sér fast við þig * hægri hönd þín styður mig.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

⁵⁷Öll verk Drottins, blessið Drottin * lofið hann og hefjið hann yfir allt að eilífu.

⁵⁸Þér englar Drottins, blessið Drottin * lofið hann og hefjið hann yfir allt að eilífu.

⁵⁹Þér himnar, blessið Drottin * lofið hann og hefjið hann yfir allt að eilífu.

⁶⁰Öll þér vötn, sem eruð yfir himnunum, blessið Drottin * lofið hann og hefjið hann yfir allt að eilífu.

⁶¹Allir þér kraftar Drottins, blessið Drottin * lofið hann og hefjið hann yfir allt að eilífu.

⁶²Þér sól og tungl, blessið Drottin * lofið hann og hefjið hann yfir allt að eilífu.

⁶³Þér stjörnur himinsins, blessið Drottin * lofið hann og hefjið hann yfir allt að eilífu.

⁶⁴Sérhver skúr og dögg, blessið Drottin * lofið hann og hefjið hann yfir allt að eilífu.

⁶⁵Allir þér andar Guðs, blessið Drottin * lofið hann og hefjið hann yfir allt að eilífu.

⁶⁶Þér eldur og hiti, blessið Drottin * lofið hann og hefjið hann yfir allt að eilífu.

⁶⁷Þér kuldi og hiti, blessið Drottin * lofið hann og hefjið hann yfir allt að eilífu.

⁶⁸Þér daggir og hrím, blessið Drottin * lofið hann og hefjið hann yfir allt að eilífu.

⁶⁹Þér frost og kuldi, blessið Drottin * lofið hann og hefjið hann yfir allt að eilífu.

⁷⁰Þér ís og snjór, blessið Drottin * lofið hann og hefjið hann yfir allt að eilífu.

⁷¹Þér nætur og dagar, blessið Drottin * lofið hann og hefjið hann yfir allt að eilífu.

⁷²Þér ljós og myrkur, blessið Drottin * lofið hann og hefjið hann yfir allt að eilífu.

⁷³Þér eldingar og ský, blessið Drottin * lofið hann og hefjið hann yfir allt að eilífu.

⁷⁴Jörðin blessi Drottin * hún lofi hann og hefji hann yfir allt að eilífu.

⁷⁵Þér fjöll og hæðir, blessið Drottin * lofið hann og hefjið hann yfir allt að eilífu.

⁷⁶Allt það, sem upp sprettur af jörðunni, blessi Drottin * lofið hann og hefjið hann yfir allt að eilífu.

⁷⁷Þér lindir, blessið Drottin * lofið hann og hefjið hann yfir allt að eilífu.

⁷⁸Þér höf og fljót, blessið Drottin * lofið hann og hefjið hann yfir allt að eilífu.

⁷⁹Þér hvalir og allt, sem hrærist í vötnunum, blessið Drottin * lofið hann og hefjið hann yfir allt að eilífu.

⁸⁰Allir þér fuglar loftsins, blessið Drottin * lofið hann og hefjið hann yfir allt að eilífu.

⁸¹Öll þér dýr og fénaður, blessið Drottin * lofið hann og hefjið hann yfir allt að eilífu.

⁸²Þér mannanna synir, blessið Drottin * lofið hann og hefjið hann yfir allt að eilífu.

⁸³Ísrael blessi Drottin * lofi hann og hefji hann yfir allt að eilífu.

⁸⁴Þér prestar Drottins, blessið Drottin * lofið hann og hefjið hann yfir allt að eilífu.

⁸⁵Þér þjónar Drottins, blessið Drottin * lofið hann og hefjið hann yfir allt að eilífu.

⁸⁶Þér andar og sálir hinna réttlátu, blessið Drottin * lofið hann og hefjið hann yfir allt að eilífu.

⁸⁷Þér heilögu og auðmjúkir í hjarta, blessið Drottin * lofið hann og hefjið hann yfir allt að eilífu.

⁸⁸Ananías, Asarías og Mísael, blessið Drottin; lofið hann og hefjið hann yfir allt að eilífu. Því að hann hefur frelsað oss * frá helju og bjargað oss úr hendi dauðans og frelsað oss úr miðjum brennandi loganum og bjargað oss úr miðjum eldinum.

⁵⁶Blessaður ert þú á festingu himinsins * og lofs verður og dýrlegur að eilífu.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Hallelúja. Syngið Drottni nýjan söng * lofsöngur hans hljómi í söfnuði trúaðra.

²Ísrael gleðjist yfir skapara sínum * synir Síonar fagni yfir konungi sínum.

³Þeir skulu lofa nafn hans með gleðidansi * leika fyrir honum á bumbur og gígjur.

⁴Því að Drottinn hefur þóknun á lýð sínum * hann skrýðir hrjáða með sigri.

⁵Hinir trúuðu skulu gleðjast með sæmd * syngja fagnandi í hvílum sínum

⁶með lofgjörð Guðs á tungu * og tvíeggjað sverð í höndum

⁷til þess að framkvæma hefnd á þjóðunum * hirtingu á lýðunum,

⁸til þess að binda konunga þeirra með fjötrum * þjóðhöfðingja þeirra með járnhlekkjum,

⁹til þess að fullnægja á þeim skráðum dómi. * Það er til vegsemdar öllum dýrkendum hans. Hallelúja.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Ml 1, 11Frá upprás sólar allt til niðurgöngu hennar er nafn mitt mikið meðal þjóðanna, og alls staðar er nafni mínu fórnað reykelsi og hreinni matfórn, því að nafn mitt er mikið meðal þjóðanna segir Drottinn allsherjar.

Þú framleiðir brauð af jörðinni, * hallelúja, hallelúja.

Þú framleiðir brauð af jörðinni, * hallelúja, hallelúja.

Og vín sem gleður mannsins hjarta,

hallelúja, hallelúja.

Dýrð sé Föðurnum og Syninum og hinum Heilaga Anda.

Þú framleiðir brauð af jörðinni, * hallelúja, hallelúja.

⁶⁸Lofaður sé Drottinn, Guð Ísraels * því að hann hefur vitjað lýðs síns og búið honum lausn.

⁶⁹Hann hefur reist oss horn * hjálpræðis í húsi Davíðs þjóns síns,

⁷⁰eins og hann talaði fyrir * munn sinna heilögu spámanna frá öndverðu,

⁷¹frelsun frá óvinum vorum og úr höndum allra * er hata oss.

⁷²Hann hefur auðsýnt feðrum vorum * miskunn og minnst síns heilaga sáttmála,

⁷³þess eiðs * er hann sór Abraham föður vorum

⁷⁴að hrífa oss úr höndum óvina * og veita oss að þjóna sér óttalaust

⁷⁵í heilagleik og réttlæti fyrir * augum hans alla daga vora.

⁷⁶Og þú, sveinn! munt nefndur verða spámaður hins hæsta * því að þú munt ganga fyrir Drottni að greiða vegu hans

⁷⁷og veita lýð hans þekkingu á hjálpræðinu * sem er fyrirgefning synda þeirra.

⁷⁸Þessu veldur hjartans miskunn Guðs vors. Hún lætur * upp renna sól af hæðum að vitja vor

⁷⁹og lýsa þeim, sem sitja í myrkri og skugga dauðans * og beina fótum vorum á friðar veg.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Bræður (og systur), vér skulum biðja til Jesú Krists, brauðs lífsins, og segja fagnandi:Sælir eru þeir sem kallaðir eru til þinnar himnesku veislu.Kristur, prestur hins nýja og eilífa sáttmála, þú fórnfærðir Föðurnum fullkomna fórn á altari krossins,kenndu oss að bjóða oss sjálf fram til fórnar með þér.Kristur, konungur réttlætis og friðar, þú helgaðir brauðið og vínið sem tákn um fórnfæringu þína,sameina oss sem fórnarlömb með þér.Kristur, sannur dýrkandi Föðurins: Kirkjan hefur um hönd þína fullkomnu fórn frá upprás sólar til niðurgöngu hennar,sameina í líkama þínum alla þá sem eiga hlutdeild í hinu eina brauði.Kristur, þú sem ert manna sem niður steig af himni, þú nærir Kirkjuna með líkama þínum og blóði,gef að þessi fæða megi styrkja oss á vegferð vorri.Kristur, ósýnilegi gestgjafi veislu vorrar, þú ert fyrir utan og knýr á dyrnar,komdu og dveldu með oss og snæddu kvöldverð með oss.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Guð, þú hefur eftirlátið oss minningu um þjáningu þína í hinu undursamlega sakramenti. Vér biðjum, veit oss að tigna svo heilaga leyndardóma líkama þíns og blóðs, að vér skynjum ávallt í oss ávöxtinn af endurlausn þinni. Þú sem lifir og ríkir með Guði Föður, í einingu Heilags Anda, Guð, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Tunga mín af hjarta hljóðihelgan leyndardóm um þann,líkam Krists og blessað blóðið,bót sem öllum heimi vann,konungs þjóða þá hins góðaþað á krossi' úr æðum rann.Oss var gefinn, oss var fædduröllum helgri meyju af,meðan hér var holdi klæddur,heimi náðarorðið gaf,ævi sína svo lét dvína.Sjá hér Drottins kærleiks haf.Síðstu nótt, þá sat að borðisjálfur Kristur bræðrum meðlögmáls gjörla eftir orði-engin máltíð dýrri' er séð-höndum hreinum sínum sveinumsig til fæðu gefa réð.Hold í brauði, blóð í vínibauð sitt væri Drottinn kær.Miskunn slík þótt manna' ei skínimyrkum skilning, trúum vær.Trúin eina hjarta hreinuhuggun, gleði' og styrkleik fær.Helgidóm svo háan allirheiðra skulum alla tíð.Gamlar lögmálsfórnir fallifyrir Drottins nýjum sið.Trúin mæta best má bætabrestinn skilnings kristnum lýð.Sönnum Guði, son getanda,syni getnum fyr'ir upphaf,huggaranum, helgum anda,hinum tveim sem kemur af,æ skal syngja sérhver tungasanna vegsemd, dýrð og lof. Amen.Eða:Pange, lingua, gloriósicórporis mystérium,sanguinísque pretiósi,quem in mundi prétiumfructus ventris generósiRex effúdit géntium.Nobis datus, nobis natusex intácta Vírgine,et in mundo conversátus,sparso verbi sémine,sui moras incolátusmiro clausit órdine.In suprémæ nocte cenærecúmbens cum frátribus,observáta lege plenecibis in legálibus,cibum turbæ duodénæse dat suis mánibus.Verbum caro panem verumverbo carnem éfficit,fitque sanguis Christi merum,et, si sensus déficit,ad firmándum cor sincérumsola fides súfficit.Tantum ergo sacraméntumvenerémur cérnui,et antíquum documéntumnovo cedat rítui;præstet fides suppleméntumsénsuum deféctui.Genitóri Genitóquelaus et iubilátio,salus, honor, virtus quoquesit et benedíctio;procedénti ab utróquecompar sit laudátio. Amen.

¹Svo segir Drottinn við drottin minn: „Sest þú mér til hægri handar * þá mun ég leggja óvini þína sem fótskör að fótum þér.“

²Drottinn réttir út þinn volduga sprota frá Síon * drottna þú mitt á meðal óvina þinna!

³Þjóð þín kemur sjálfboða á valdadegi þínum. Í helgu * skrauti frá skauti morgunroðans kemur dögg æskuliðs þíns til þín.

⁴Drottinn hefur svarið, og hann iðrar þess eigi * „Þú ert prestur að eilífu, að hætti Melkísedeks.“

⁵Drottinn er þér til hægri handar * hann knosar konunga á degi reiði sinnar.

⁷Á leiðinni drekkur hann úr læknum * þess vegna ber hann höfuðið hátt.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹⁰Ég trúði, þó ég segði * „Ég er mjög beygður.“

¹¹Ég sagði í angist minni * „Allir menn ljúga.“

¹²Hvað á ég að gjalda Drottni * fyrir allar velgjörðir hans við mig?

¹³Ég lyfti upp bikar * hjálpræðisins og ákalla nafn Drottins.

¹⁴Ég greiði Drottni heit mín * og það í augsýn alls lýðs hans.

¹⁵Dýr er í augum * Drottins dauði dýrkenda hans.

¹⁶Æ, Drottinn, víst er ég þjónn þinn * ég er þjónn þinn, sonur ambáttar þinnar, þú leystir fjötra mína.

¹⁷Þér færi ég þakkarfórn * og ákalla nafn Drottins.

¹⁸Ég greiði Drottni heit mín * og það í augsýn alls lýðs hans,

¹⁹í forgörðum húss Drottins * í þér, Jerúsalem. Hallelúja.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Eftir þetta heyrði ég sem sterkan ym mikils fjölda á himni. Þeir sögðu * „Hallelúja! Hjálpræðið og dýrðin og mátturinn er Guðs vors.

²Sannir og réttlátir eru dómar hans. Hann hefur dæmt skækjuna miklu * sem jörðunni spillti með saurlifnaði sínum, og hann hefur látið hana sæta hefnd fyrir blóð þjóna sinna.“

⁵Og frá hásætinu barst rödd, er sagði: „Lofsyngið Guði vorum * allir þér þjónar hans, þér sem hann óttist, smáir og stórir.“

⁶Þá heyrði ég raddir sem frá miklum mannfjölda og sem nið margra vatna og sem gný frá sterkum þrumum. Þær sögðu * „Hallelúja, Drottinn Guð vor, hinn alvaldi, er konungur orðinn.

⁷Gleðjumst og fögnum og gefum honum dýrðina * því að komið er að brúðkaupi lambsins og brúður hans hefur búið sig.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

1Kor 11, 23-25Ég hef meðtekið frá Drottni það, sem ég hef kennt yður: Nóttina, sem Drottinn Jesús var svikinn, tók hann brauð, gjörði þakkir, braut það og sagði: Þetta er minn líkami, sem er fyrir yður. Gjörið þetta í mína minningu. Sömuleiðis tók hann og bikarinn eftir kvöldmáltíðina og sagði: Þessi bikar er hinn nýi sáttmáli í mínu blóði. Gjörið þetta, svo oft sem þér drekkið, í mína minningu.

Hann gaf þeim brauð af himni. * Hallelúja, hallelúja.

Hann gaf þeim brauð af himni. * Hallelúja, hallelúja.

Englabrauð fengu menn að eta.

Hallelúja, hallelúja.

Dýrð sé Föðurnum og Syninum og hinum Heilaga Anda.

Hann gaf þeim brauð af himni. * Hallelúja, hallelúja.

⁴⁶Önd mín miklar Drottin

⁴⁷og andi minn gleðst í Guði * frelsara mínum.

⁴⁸Því að hann hefur litið til ambáttar sinnar í smæð hennar * héðan af munu allar kynslóðir mig sæla segja.

⁴⁹Því að mikla hluti hefur hinn voldugi við mig gjört * og heilagt er nafn hans.

⁵⁰Miskunn hans við þá, er óttast hann * varir frá kyni til kyns.

⁵¹Máttarverk hefur hann unnið með armi sínum og * drembilátum í hug og hjarta hefur hann tvístrað.

⁵²Valdhöfum hefur hann steypt af * stóli og upp hafið smælingja,

⁵³hungraða hefur hann fyllt gæðum * en látið ríka tómhenta frá sér fara.

⁵⁴Hann hefur minnst miskunnar sinnar og * tekið að sér Ísrael, þjón sinn,

⁵⁵eins og hann talaði til feðra vorra * við Abraham og sæði hans ævinlega.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Einlæglega og auðmjúklega biðjum vér Guð, sem hugsar um alla menn, og hrópum:Drottinn, miskunna lýð þínum.Verndaðu Kirkjuna.Verndaðu páfa vorn N.Hjálpaðu biskupi vorum N.Frelsaðu lýð þinn.Varðveittu friðinn.Lýstu trúleysingjum.Leiddu þá sem stjórna þjóðum.Hjálpaðu fátækum.Huggaðu sorgmædda.Miskunna þú munaðarlausum.Taktu á móti dánum.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Guð, þú hefur eftirlátið oss minningu um þjáningu þína í hinu undursamlega sakramenti. Vér biðjum, veit oss að tigna svo heilaga leyndardóma líkama þíns og blóðs, að vér skynjum ávallt í oss ávöxtinn af endurlausn þinni. Þú sem lifir og ríkir með Guði Föður, í einingu Heilags Anda, Guð, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Ég játa fyrir almáttugum Guðiog yður, bræður og systur,að ég hef syndgað mjögí hugsun, orði, athöfnog vanrækslu:mín sök, mín sök, mín mikla sök.Því bið ég alsæla Maríu, ætíð mey,alla engla og dýrlingaog yður, bræður og systur,að biðja fyrir mér við Guð, Drottin vorn.Almáttugur Guð miskunni oss,fyrirgefi oss syndir vorar og leiði oss til eilífs lífs.Amen.

Ó, Drottinn hjá mér dvel í nóttþví degi hallar skjóttSjá, skuggar nætur nálgast óttver nær mér Guð í nótt.Ó, dvel hjá mér um dimma nóttdag þú fylgdir mérog kveiktir hjá mér kærleiksgnóttþá kyrrð ég fann hjá þér.Ó, ver hjá mér, halt vörð í nóttég veikur og einn erÞín huggun virðist hulin mérég hryggur leita’ að þér.Ó, Drottinn hjá mér dvel í nótt,nú dimma tekur óttÉg sekur er, ó, send mér þróttog seg mér verði rótt. Amen.

¹Sæll er sá, er situr í skjóli Hins hæsta * sá er gistir í skugga Hins almáttuga,

²sá er segir við Drottin: „Hæli mitt og háborg * Guð minn, er ég trúi á!“

³Hann frelsar þig úr snöru fuglarans * frá drepsótt glötunarinnar,

⁴hann skýlir þér með fjöðrum sínum * undir vængjum hans mátt þú hælis leita, trúfesti hans er skjöldur og verja.

⁵Eigi þarft þú að óttast ógnir næturinnar * eða örina, sem flýgur um daga,

⁶drepsóttina, er reikar um í dimmunni * eða sýkina, er geisar um hádegið.

⁷Þótt þúsund falli þér við hlið og tíu þúsund þér til hægri handar * þá nær það ekki til þín.

⁸Þú horfir aðeins á með augunum * sér hversu óguðlegum er endurgoldið.

⁹Þitt hæli er Drottinn * þú hefur gjört Hinn hæsta að athvarfi þínu.

¹⁰Engin ógæfa hendir þig * og engin plága nálgast tjald þitt.

¹¹Því að þín vegna býður hann út englum sínum * til þess að gæta þín á öllum vegum þínum.

¹²Þeir munu bera þig á höndum sér * til þess að þú steytir ekki fót þinn við steini.

¹³Þú skalt stíga ofan á ljón og nöðrur * troða fótum ung ljón og dreka.

¹⁴„Af því að hann leggur ást á mig, mun ég frelsa hann * ég bjarga honum, af því að hann þekkir nafn mitt.

¹⁵Ákalli hann mig, mun ég bænheyra hann * ég er hjá honum í neyðinni, ég frelsa hann og gjöri hann vegsamlegan.

¹⁶Ég metta hann með fjöld lífdaga * og læt hann sjá hjálpræði mitt.“

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Opb 22, 4-5Þeir munu sjá ásjónu hans og nafn hans mun vera á ennum þeirra. Og nótt mun ekki framar til vera og þeir þurfa ekki lampaljós né sólarljós, því að Drottinn Guð skín á þá og þeir munu ríkja um aldir alda.

Drottinn, * í þínar hendur fel ég anda minn.

Drottinn, * í þínar hendur fel ég anda minn.

Þú hefur frelsað oss, Drottinn, sannleikans Guð.

Í þínar hendur fel ég anda minn.

Dýrð sé Föðurnum og Syninum og hinum Heilaga Anda.

Drottinn, * í þínar hendur fel ég anda minn.

¹Nú lætur þú, Drottinn, þjón þinn í friði fara, * eins og þú hefir heitið mér,

²því að augu mín hafa séð * hjálpræði þitt,

³sem þú hefir opinberað * í augsýn allra lýða,

⁴ljós til opinberunar heiðingjum * og til vegsemdar lýð þínum Ísrael.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Guð, Faðir, veit oss er í dag höfum minnst upprisu Sonar þíns, auðmjúka bæn vora: Frelsa oss frá öllu illu svo að vér fáum sofið í friði og risið í gleði til að lofsyngja dýrð þína. Fyrir Krist, Drottin vorn.Amen.

Drottinn veiti oss hljóða nótt og ákjósanleg ævilok. Amen.

Blíða móðir Frelsarans,himnahlið, sævarstjarna,hraða þér til hjálpar lýð þínum,sem þrátt fyrir hrösun vill reisa sig við.Þú sem fæddir skapara heimsins,og braust lögmál náttúrunnar,hélst flekklausum meydómi þínum.Lít til syndara í náð.