Laugardagur í 30. viku almenns kirkjutíma

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Þar tignartindi áég tjald vil gera,þar góðum Guði hjáer gott að veraog ummyndast og búast björtum klæðumog öðlast eilíft skart,með andlit sólarbjart,á helgum hæðum.Ég bjart lít blika skýá banadegi,raust heyri eg þar í:"Minn elskulegi"!Þá skyggir dauðans ský á lífsins blóma,mig enginn ótti slær,mér einn er Jesús nærí ljóssins ljóma. Amen.

¹Sálmur. Hvíldardagsljóð.

²Gott er að lofa Drottin og lofsyngja nafni þínu * þú Hinn hæsti,

³að kunngjöra miskunn þína að * morgni og trúfesti þína um nætur

⁴á tístrengjað hljóðfæri og * hörpu með strengjaleik gígjunnar.

⁵Þú hefur glatt mig, Drottinn * með dáð þinni, yfir handaverkum þínum fagna ég.

⁶Hversu mikil eru verk þín * Drottinn, harla djúpar hugsanir þínar.

⁷Fíflið eitt skilur eigi * og fáráðlingurinn einn skynjar eigi þetta.

⁸Þegar óguðlegir greru sem gras og allir illgjörðamennirnir blómguðust * þá var það til þess að þeir skyldu afmáðir verða að eilífu,

⁹en þú sem ert á hæðum * ert til að eilífu, Drottinn.

¹⁰Því sjá, óvinir þínir, Drottinn, því sjá * óvinir þínir farast, allir illgjörðamennirnir tvístrast.

¹¹En mig lætur þú bera hornið hátt eins og vísundinn * mig hressir þú með ferskri olíu.

¹²Auga mitt lítur með gleði á fjandmenn mína * eyra mitt heyrir með gleði um níðingana, er rísa gegn mér.

¹³Hinir réttlátu gróa sem pálminn * vaxa sem sedrustréð á Líbanon.

¹⁴Þeir eru gróðursettir í húsi Drottins * gróa í forgörðum Guðs vors.

¹⁵Jafnvel í hárri elli bera þeir ávöxt * þeir eru safamiklir og grænir.

¹⁶Þeir kunngjöra, að Drottinn er réttlátur * klettur minn, sem ekkert ranglæti er hjá.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Hlustið, þér himnar, því að nú mun ég mæla * og jörðin hlýði á mál munns míns!

²Kenning mín streymi sem regn, ræða mín drjúpi sem dögg * eins og gróðrarskúrir á grængresið og sem þungaregn á jurtirnar. Verk Guðs eru fullkomin

³Ég vil kunngjöra nafn Drottins * Gefið Guði vorum dýrðina!

⁴Bjargið – fullkomin eru verk hans * því að allir vegir hans eru réttlæti. Trúfastur Guð og tállaus, réttlátur og réttvís er hann.

⁵Synir hans eru spilltir orðnir * blettur er á þeim, rangsnúin og rammspillt kynslóð.

⁶Ætlið þér að launa Drottni þannig, þú heimska og óvitra þjóð? Er hann ekki faðir þinn * sá er skóp þig, sá er gjörði þig og myndaði?

⁷Minnstu fyrri tíða, hyggið að árum liðinna alda! Spyr föður þinn, að hann megi fræða þig * gamalmenni þín, að þau megi segja þér frá! Guð annast lýð sinn

⁸Þá er hinn hæsti skipti óðulum meðal þjóðanna, þá er hann greindi í sundur mannanna börn * þá skipaði hann löndum þjóðflokkanna eftir tölu Ísraels sona.

⁹Því að hlutskipti Drottins er lýður hans * Jakob úthlutuð arfleifð hans.

¹⁰Hann fann hann í eyðimerkurlandi og í óbyggðum, innan um öskrið á öræfunum. Hann verndaði hann * hugði að honum, hann varðveitti hann sem sjáaldur auga síns.

¹¹Eins og örn, sem vekur upp hreiður sitt og svífur yfir ungum sínum * svo útbreiddi hann vængi sína, tók hann upp og bar hann á flugfjöðrum sínum.

¹²Drottinn einn leiddi hann * og enginn annar guð var með honum.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Til söngstjórans. Á gittít. Davíðssálmur.

²Drottinn, Guð vor, hversu dýrlegt er nafn þitt * um alla jörðina! Þú breiðir ljóma þinn yfir himnana.

³Af munni barna og brjóstmylkinga hefur þú gjört þér vígi til varnar gegn óvinum þínum * til þess að þagga niður í hefndargirni óvinarins.

⁴Þegar ég horfi á himnana, verk handa þinna * tunglið og stjörnurnar, er þú hefur skapað,

⁵hvað er þá maðurinn þess, að þú minnist hans * og mannsins barn, að þú vitjir þess?

⁶Þú lést hann verða litlu minni en Guð * með sæmd og heiðri krýndir þú hann.

⁷Þú lést hann ríkja yfir handaverkum þínum * allt lagðir þú að fótum hans:

⁸sauðfénað allan og uxa * og auk þess dýr merkurinnar,

⁹fugla loftsins og fiska hafsins * allt það er fer hafsins vegu.

¹⁰Drottinn, Guð vor * hversu dýrlegt er nafn þitt um alla jörðina!

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Rm 12, 14-16aBlessið þá, er ofsækja yður, blessið þá, en bölvið þeim ekki. Fagnið með fagnendum, grátið með grátendum. Berið sama hug til allra, hreykið yður ekki, en haldið yður að hinum lítilmótlegu.

Varir mínar skulu fagna, * er ég leik fyrir þér.

Varir mínar skulu fagna, * er ég leik fyrir þér.

Þá skal og tunga mín tala um réttlæti þitt,

er ég leik fyrir þér.

Dýrð sé Föðurnum og Syninum og hinum Heilaga Anda.

Varir mínar skulu fagna, * er ég leik fyrir þér.

⁶⁸Lofaður sé Drottinn, Guð Ísraels * því að hann hefur vitjað lýðs síns og búið honum lausn.

⁶⁹Hann hefur reist oss horn * hjálpræðis í húsi Davíðs þjóns síns,

⁷⁰eins og hann talaði fyrir * munn sinna heilögu spámanna frá öndverðu,

⁷¹frelsun frá óvinum vorum og úr höndum allra * er hata oss.

⁷²Hann hefur auðsýnt feðrum vorum * miskunn og minnst síns heilaga sáttmála,

⁷³þess eiðs * er hann sór Abraham föður vorum

⁷⁴að hrífa oss úr höndum óvina * og veita oss að þjóna sér óttalaust

⁷⁵í heilagleik og réttlæti fyrir * augum hans alla daga vora.

⁷⁶Og þú, sveinn! munt nefndur verða spámaður hins hæsta * því að þú munt ganga fyrir Drottni að greiða vegu hans

⁷⁷og veita lýð hans þekkingu á hjálpræðinu * sem er fyrirgefning synda þeirra.

⁷⁸Þessu veldur hjartans miskunn Guðs vors. Hún lætur * upp renna sól af hæðum að vitja vor

⁷⁹og lýsa þeim, sem sitja í myrkri og skugga dauðans * og beina fótum vorum á friðar veg.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Vér minnumst visku og gæsku Krists, sem er nærri öllum bræðrum vorum, einkum þeim er þjást og beittir eru órétti. Áköllum hann og biðjum:Fullkomna oss í kærleika, Drottinn.Gef að vér minnumst upprisu þinnar,lát gæði hjálpræðis þíns ná til allra manna.Gef, Drottinn, að vér berum þér vitni í dag,og að vér mættum, fyrir þinn atbeina, færa Föðurnum verðuga gjöf.Gef að vér sjáum ímynd þína í öllum mönnum,svo að þjónusta vor við þig birtist í öllu viðmóti voru.Kristur, þú ert hinn sanni vínviður, vér erum greinarnar,gef að vér séum stöðug í þér, berum ríkulegan ávöxt og færum Guði lof.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Lofi þig Drottinn, bæn vor, sál vor og andi vor. Af kærleik gafstu oss líf og vér biðjum að það megi stöðugt tilheyra þér. Fyrir Drottin vorn Jesúm Krist, Son þinn, sem með þér lifir og ríkir í einingu Heilags Anda, Guð, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Vér lofum þig, Kristur, semkemur og ert meðal þinna,vér tilbiðjum undrið, aðoss viltu muna og finna.Og allt það, sem spillti voruppreisn gegn þér, viltu bæta,því dauðinn í oss þínuupprisulífi skal mæta.Sem þjónn vor og bróðir hérertu og allt viltu gefaoss börnunum snauðum ogblindum af vantrú og efa.Það líf, sem oss týndist, þíntrúfesti aftur oss gefur,þú gefur þig sjálfan viðborðið, sem blessað þú hefur.Og vér, sem þig svikum, ílofsöng og fögnuði færumstfrá dauða til lífs, er vérþiggjum og neytum og nærumst.Vér tilbiðjum undrið, aðoss viltu muna og finna,vér lofum þig, Kristur, semkemur og ert meðal þinna. Amen.

¹Hallelúja. Þjónar Drottni * lofið, lofið nafn Drottins.

²Nafn Drottins sé blessað héðan * í frá og að eilífu.

³Frá sólarupprás til sólarlags * sé nafn Drottins vegsamað.

⁴Drottinn er hafinn yfir allar * þjóðir og dýrð hans yfir himnana.

⁵Hver er sem Drottinn * Guð vor? Hann situr hátt

⁶og horfir djúpt á * himni og á jörðu.

⁷Hann reisir lítilmagnann úr duftinu * lyftir snauðum upp úr saurnum

⁸og leiðir hann til sætis hjá tignarmönnum * hjá tignarmönnum þjóðar hans.

⁹Hann lætur óbyrjuna í húsinu búa * í næði sem glaða barnamóður. Hallelúja.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹²Vegsama Drottin, Jerúsalem * lofa þú Guð þinn, Síon,

¹³því að hann hefur gjört sterka slagbrandana fyrir hliðum þínum * blessað börn þín, sem í þér eru.

¹⁴Hann gefur landi þínu frið * seður þig á hinu kjarnbesta hveiti.

¹⁵Hann sendir orð sitt til jarðar * boð hans hleypur með hraða.

¹⁶Hann gefur snjó eins og ull * stráir út hrími sem ösku.

¹⁷Hann sendir hagl sitt sem brauðmola * hver fær staðist frost hans?

¹⁸Hann sendir út orð sitt og lætur ísinn þiðna * lætur vind sinn blása, og vötnin renna.

¹⁹Hann kunngjörði Jakob orð sitt * Ísrael lög sín og ákvæði.

²⁰Svo hefur hann eigi gjört við neina þjóð * þeim kennir hann ekki ákvæði sín. Hallelúja.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Eftir þetta heyrði ég sem sterkan ym mikils fjölda á himni. Þeir sögðu * „Hallelúja! Hjálpræðið og dýrðin og mátturinn er Guðs vors.

²Sannir og réttlátir eru dómar hans. Hann hefur dæmt skækjuna miklu * sem jörðunni spillti með saurlifnaði sínum, og hann hefur látið hana sæta hefnd fyrir blóð þjóna sinna.“

⁵Og frá hásætinu barst rödd, er sagði: „Lofsyngið Guði vorum * allir þér þjónar hans, þér sem hann óttist, smáir og stórir.“

⁶Þá heyrði ég raddir sem frá miklum mannfjölda og sem nið margra vatna og sem gný frá sterkum þrumum. Þær sögðu * „Hallelúja, Drottinn Guð vor, hinn alvaldi, er konungur orðinn.

⁷Gleðjumst og fögnum og gefum honum dýrðina * því að komið er að brúðkaupi lambsins og brúður hans hefur búið sig.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Heb 12, 22-24Þér eruð komnir til Síonfjalls og borgar Guðs lifanda, hinnar himnesku Jerúsalem, til tugþúsunda engla, til hátíðarsamkomu og safnaðar frumgetinna, sem á himnum eru skráðir, til Guðs, dómara allra, og til anda réttlátra, sem fullkomnir eru orðnir, og til Jesú, meðalgangara nýs sáttmála, og til blóðsins, sem hreinsar og talar kröftuglegar en blóð Abels.

Hinir réttlátu munu gleðjast * í nærveru Drottins.

Hinir réttlátu munu gleðjast * í nærveru Drottins.

Þeir munu syngja lofsöng

í nærveru Drottins.

Dýrð sé Föðurnum og Syninum og hinum Heilaga Anda.

Hinir réttlátu munu gleðjast * í nærveru Drottins.

⁴⁶Önd mín miklar Drottin

⁴⁷og andi minn gleðst í Guði * frelsara mínum.

⁴⁸Því að hann hefur litið til ambáttar sinnar í smæð hennar * héðan af munu allar kynslóðir mig sæla segja.

⁴⁹Því að mikla hluti hefur hinn voldugi við mig gjört * og heilagt er nafn hans.

⁵⁰Miskunn hans við þá, er óttast hann * varir frá kyni til kyns.

⁵¹Máttarverk hefur hann unnið með armi sínum og * drembilátum í hug og hjarta hefur hann tvístrað.

⁵²Valdhöfum hefur hann steypt af * stóli og upp hafið smælingja,

⁵³hungraða hefur hann fyllt gæðum * en látið ríka tómhenta frá sér fara.

⁵⁴Hann hefur minnst miskunnar sinnar og * tekið að sér Ísrael, þjón sinn,

⁵⁵eins og hann talaði til feðra vorra * við Abraham og sæði hans ævinlega.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Einlæglega og auðmjúklega biðjum vér Guð, sem hugsar um alla menn, og hrópum:Drottinn, hjálpaðu lýð þínum.Leiddu mannkynið með starfi Kirkjunar til einingar.Varðveittu páfa vorn N.Verndaðu biskup vorn með blessun þinni N.Leiddu djákna með Anda þínum.Helgaðu trúaða.Vertu ráðgjafi handverksmanna.Leiddu ríka til að nota eigur sínar rétt.Verndaðu veika.Frelsaðu bandingja.Vernda oss frá jarðhræringum.Verndaðu oss frá óvæntum dauða.Veittu látnum alsæla sýn auglits þíns.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Almáttugi eilífi Guð, þú hefur gefið oss að vegsama verðleika allra dýrlinga þinna með einni hátíð. Vér biðjum að fyrir bænarstað svo margra dýrlinga veitir þú oss þá gnægð miskunnar þinnar sem vér þráum. Fyrir Drottin vorn Jesúm Krist, Son þinn, sem með þér lifir og ríkir í einingu Heilags Anda, Guð, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Ég játa fyrir almáttugum Guðiog yður, bræður og systur,að ég hef syndgað mjögí hugsun, orði, athöfnog vanrækslu:mín sök, mín sök, mín mikla sök.Því bið ég alsæla Maríu, ætíð mey,alla engla og dýrlingaog yður, bræður og systur,að biðja fyrir mér við Guð, Drottin vorn.Almáttugur Guð miskunni oss,fyrirgefi oss syndir vorar og leiði oss til eilífs lífs.Amen.

Ó, Drottinn hjá mér dvel í nóttþví degi hallar skjóttSjá, skuggar nætur nálgast óttver nær mér Guð í nótt.Ó, dvel hjá mér um dimma nóttdag þú fylgdir mérog kveiktir hjá mér kærleiksgnóttþá kyrrð ég fann hjá þér.Ó, ver hjá mér, halt vörð í nóttég veikur og einn erÞín huggun virðist hulin mérég hryggur leita’ að þér.Ó, Drottinn hjá mér dvel í nótt,nú dimma tekur óttÉg sekur er, ó, send mér þróttog seg mér verði rótt. Amen.

¹Til söngstjórans. Með strengjaleik. Davíðssálmur.

²Svara mér, er ég hrópa, þú Guð réttlætis míns! Þá er að mér kreppti * rýmkaðir þú um mig, ver mér náðugur og heyr bæn mína.

³Þér menn! Hversu lengi á sæmd mín að sæta smán? Hversu * lengi ætlið þér að elska hégómann og leita til lyginnar? [Sela]

⁴Þér skuluð samt komast að raun um, að Drottinn sýnir mér dásamlega náð * að Drottinn heyrir, er ég hrópa til hans.

⁵Skelfist og syndgið ekki. Hugsið yður um * í hvílum yðar og verið hljóðir. [Sela]

⁶Færið réttar fórnir * og treystið Drottinn.

⁷Margir segja: „Hver lætur oss hamingju líta?“ * Lyft yfir oss ljósi auglitis þíns, Drottinn.

⁸Þú hefur veitt hjarta mínu meiri gleði * en menn hafa af gnægð korns og vínlagar.

⁹Í friði leggst ég til hvíldar og sofna * því að þú, Drottinn, lætur mig búa óhultan í náðum.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Já, lofið Drottin, allir þjónar Drottni * þér er standið í húsi Drottins um nætur.

²Fórnið höndum til * helgidómsins og lofið Drottin.

³Drottinn blessi þig frá Síon * hann sem er skapari himins og jarðar.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

5M 6, 4-7Heyr Ísrael! Drottinn er vor Guð; hann einn er Drottinn! Þú skalt elska Drottin Guð þinn af öllu hjarta þínu og af allri sálu þinni og af öllum mætti þínum. Þessi orð, sem ég legg fyrir þig í dag, skulu vera þér hugföst. Þú skalt brýna þau fyrir börnum þínum og tala um þau þegar þú ert heima og þegar þú ert á ferðalagi, þegar þú leggst til hvíldar og þegar þú ferð á fætur.

Drottinn, * í þínar hendur fel ég anda minn.

Drottinn, * í þínar hendur fel ég anda minn.

Þú hefur frelsað oss, Drottinn, sannleikans Guð.

Í þínar hendur fel ég anda minn.

Dýrð sé Föðurnum og Syninum og hinum Heilaga Anda.

Drottinn, * í þínar hendur fel ég anda minn.

¹Nú lætur þú, Drottinn, þjón þinn í friði fara, * eins og þú hefir heitið mér,

²því að augu mín hafa séð * hjálpræði þitt,

³sem þú hefir opinberað * í augsýn allra lýða,

⁴ljós til opinberunar heiðingjum * og til vegsemdar lýð þínum Ísrael.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Vitja oss nú í nótt, Drottinn, svo að fyrir styrkveitingu þína fáum vér risið við dögun til að fagna upprisu Krists, Sonar þíns, sem með þér lifir og ríkir um aldir alda.Amen.

Drottinn veiti oss hljóða nótt og ákjósanleg ævilok. Amen.

Blíða móðir Frelsarans,himnahlið, sævarstjarna,hraða þér til hjálpar lýð þínum,sem þrátt fyrir hrösun vill reisa sig við.Þú sem fæddir skapara heimsins,og braust lögmál náttúrunnar,hélst flekklausum meydómi þínum.Lít til syndara í náð.