Ummyndun Drottins

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Fyrst var jörðin auð,þá var dimmt og kalt.Guð lét verða ljósog það lýsti allt.Upp úr hafi steigallt hið þurra land,bylgjur féllu að,bára lék við sand.Og hið fyrsta voróx hið fyrsta trégrænt í morgundögg,veitti skjól og hlé.Vindur, sól og regn,stjörnur, tungl og ský,fiskur, maur og fuglfagna yfir því.Manninn gjörði Guð,bæði meyju´ og svein.Annast sköpun hans.Gjöra engu mein.Guð, ég þakka þérað þú gjörðir mig.Líf mitt, leik og söngláttu tigna þig. Amen.

²Drottinn, þú ert minn Guð, þín leita ég, sál mína þyrstir eftir þér * hold mitt þráir þig, í þurru landi, örþrota af vatnsleysi.

³Þannig hefi ég litast um eftir þér í * helgidóminum til þess að sjá veldi þitt og dýrð,

⁴því að miskunn þín er mætari * en lífið. Varir mínar skulu vegsama þig.

⁵Þannig skal ég lofa þig meðan lifi * hefja upp hendurnar í þínu nafni.

⁶Sál mín mettast sem af merg og feiti * og með fagnandi vörum lofar þig munnur minn,

⁷þá er ég minnist þín í hvílu minni * hugsa um þig á næturvökunum.

⁸Því að þú ert mér fulltingi * í skugga vængja þinna fagna ég.

⁹Sál mín heldur sér fast við þig * hægri hönd þín styður mig.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

⁵⁷Öll verk Drottins, blessið Drottin * lofið hann og hefjið hann yfir allt að eilífu.

⁵⁸Þér englar Drottins, blessið Drottin * lofið hann og hefjið hann yfir allt að eilífu.

⁵⁹Þér himnar, blessið Drottin * lofið hann og hefjið hann yfir allt að eilífu.

⁶⁰Öll þér vötn, sem eruð yfir himnunum, blessið Drottin * lofið hann og hefjið hann yfir allt að eilífu.

⁶¹Allir þér kraftar Drottins, blessið Drottin * lofið hann og hefjið hann yfir allt að eilífu.

⁶²Þér sól og tungl, blessið Drottin * lofið hann og hefjið hann yfir allt að eilífu.

⁶³Þér stjörnur himinsins, blessið Drottin * lofið hann og hefjið hann yfir allt að eilífu.

⁶⁴Sérhver skúr og dögg, blessið Drottin * lofið hann og hefjið hann yfir allt að eilífu.

⁶⁵Allir þér andar Guðs, blessið Drottin * lofið hann og hefjið hann yfir allt að eilífu.

⁶⁶Þér eldur og hiti, blessið Drottin * lofið hann og hefjið hann yfir allt að eilífu.

⁶⁷Þér kuldi og hiti, blessið Drottin * lofið hann og hefjið hann yfir allt að eilífu.

⁶⁸Þér daggir og hrím, blessið Drottin * lofið hann og hefjið hann yfir allt að eilífu.

⁶⁹Þér frost og kuldi, blessið Drottin * lofið hann og hefjið hann yfir allt að eilífu.

⁷⁰Þér ís og snjór, blessið Drottin * lofið hann og hefjið hann yfir allt að eilífu.

⁷¹Þér nætur og dagar, blessið Drottin * lofið hann og hefjið hann yfir allt að eilífu.

⁷²Þér ljós og myrkur, blessið Drottin * lofið hann og hefjið hann yfir allt að eilífu.

⁷³Þér eldingar og ský, blessið Drottin * lofið hann og hefjið hann yfir allt að eilífu.

⁷⁴Jörðin blessi Drottin * hún lofi hann og hefji hann yfir allt að eilífu.

⁷⁵Þér fjöll og hæðir, blessið Drottin * lofið hann og hefjið hann yfir allt að eilífu.

⁷⁶Allt það, sem upp sprettur af jörðunni, blessi Drottin * lofið hann og hefjið hann yfir allt að eilífu.

⁷⁷Þér lindir, blessið Drottin * lofið hann og hefjið hann yfir allt að eilífu.

⁷⁸Þér höf og fljót, blessið Drottin * lofið hann og hefjið hann yfir allt að eilífu.

⁷⁹Þér hvalir og allt, sem hrærist í vötnunum, blessið Drottin * lofið hann og hefjið hann yfir allt að eilífu.

⁸⁰Allir þér fuglar loftsins, blessið Drottin * lofið hann og hefjið hann yfir allt að eilífu.

⁸¹Öll þér dýr og fénaður, blessið Drottin * lofið hann og hefjið hann yfir allt að eilífu.

⁸²Þér mannanna synir, blessið Drottin * lofið hann og hefjið hann yfir allt að eilífu.

⁸³Ísrael blessi Drottin * lofi hann og hefji hann yfir allt að eilífu.

⁸⁴Þér prestar Drottins, blessið Drottin * lofið hann og hefjið hann yfir allt að eilífu.

⁸⁵Þér þjónar Drottins, blessið Drottin * lofið hann og hefjið hann yfir allt að eilífu.

⁸⁶Þér andar og sálir hinna réttlátu, blessið Drottin * lofið hann og hefjið hann yfir allt að eilífu.

⁸⁷Þér heilögu og auðmjúkir í hjarta, blessið Drottin * lofið hann og hefjið hann yfir allt að eilífu.

⁸⁸Ananías, Asarías og Mísael, blessið Drottin; lofið hann og hefjið hann yfir allt að eilífu. Því að hann hefur frelsað oss * frá helju og bjargað oss úr hendi dauðans og frelsað oss úr miðjum brennandi loganum og bjargað oss úr miðjum eldinum.

⁵⁶Blessaður ert þú á festingu himinsins * og lofs verður og dýrlegur að eilífu.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Hallelúja. Syngið Drottni nýjan söng * lofsöngur hans hljómi í söfnuði trúaðra.

²Ísrael gleðjist yfir skapara sínum * synir Síonar fagni yfir konungi sínum.

³Þeir skulu lofa nafn hans með gleðidansi * leika fyrir honum á bumbur og gígjur.

⁴Því að Drottinn hefur þóknun á lýð sínum * hann skrýðir hrjáða með sigri.

⁵Hinir trúuðu skulu gleðjast með sæmd * syngja fagnandi í hvílum sínum

⁶með lofgjörð Guðs á tungu * og tvíeggjað sverð í höndum

⁷til þess að framkvæma hefnd á þjóðunum * hirtingu á lýðunum,

⁸til þess að binda konunga þeirra með fjötrum * þjóðhöfðingja þeirra með járnhlekkjum,

⁹til þess að fullnægja á þeim skráðum dómi. * Það er til vegsemdar öllum dýrkendum hans. Hallelúja.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Opb 21, 10. 23Engillinn flutti mig í anda upp á mikið og hátt fjall og sýndi mér borgina helgu, Jerúsalem, sem niður steig af himni frá Guði. Og borgin þarf ekki heldur sólar við eða tungls til að lýsa sér, því að dýrð Guðs skín á hana og Lambið er lampi hennar.

Drottinn, þú krýndir hann með sæmd og heiðri. * Hallelúja, hallelúja.

Drottinn, þú krýndir hann með sæmd og heiðri. * Hallelúja, hallelúja.

Þú lést hann ríkja yfir handaverkum þínum.

Hallelúja, hallelúja.

Dýrð sé Föðurnum og Syninum og hinum Heilaga Anda.

Drottinn, þú krýndir hann með sæmd og heiðri. * Hallelúja, hallelúja.

⁶⁸Lofaður sé Drottinn, Guð Ísraels * því að hann hefur vitjað lýðs síns og búið honum lausn.

⁶⁹Hann hefur reist oss horn * hjálpræðis í húsi Davíðs þjóns síns,

⁷⁰eins og hann talaði fyrir * munn sinna heilögu spámanna frá öndverðu,

⁷¹frelsun frá óvinum vorum og úr höndum allra * er hata oss.

⁷²Hann hefur auðsýnt feðrum vorum * miskunn og minnst síns heilaga sáttmála,

⁷³þess eiðs * er hann sór Abraham föður vorum

⁷⁴að hrífa oss úr höndum óvina * og veita oss að þjóna sér óttalaust

⁷⁵í heilagleik og réttlæti fyrir * augum hans alla daga vora.

⁷⁶Og þú, sveinn! munt nefndur verða spámaður hins hæsta * því að þú munt ganga fyrir Drottni að greiða vegu hans

⁷⁷og veita lýð hans þekkingu á hjálpræðinu * sem er fyrirgefning synda þeirra.

⁷⁸Þessu veldur hjartans miskunn Guðs vors. Hún lætur * upp renna sól af hæðum að vitja vor

⁷⁹og lýsa þeim, sem sitja í myrkri og skugga dauðans * og beina fótum vorum á friðar veg.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Í nærveru lærisveina sinna var Frelsari vor ummyndaður með undursamlegum hætti á Taborfjalli. Biðjum til hans með djörfung:Drottinn, megum vér í þínu ljósi sjá ljós.Faðir miskunnar, þú gjörðir þinn himneska Son dýrlegan og opinberaðir sjálfan þig í björtu skýinu,gef að vér megum hlýða í trú á orð Krists.Guð, þú hefur fyllt þinn útvalda lýð gæsku húss þíns,gef að vér megum ávallt finna uppsprettu lífs vors í líkama Krists.Guð, þú hefur hrakið myrkrið á brott með ljósi þínu og úthellt því í hjörtu vor til að vér megum líta á geislandi ásjónu Jesú Krists,nærðu oss á þeirri þrá að íhuga Son þinn elskaðan.Guð, samkvæmt fyrirætlun þinni hefur þú kallað oss til heilagleika með náðargjöf þinni sem þú opinberaðir í Jesú Kristi,sýndu öllum mönnum, fyrir fagnaðarboðskap, hina dýrlegu tign eilífs lífs.Ástríki Faðir, þú elskar oss það mikið að vér erum kölluð börn Guðs,þegar Kristur kemur lát oss vera lík honum.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Guð, fyrir vitnisburð feðranna hefur þú staðfest leyndardóma trúarinnar við dýrlega ummyndun þíns eingetna Sonar. Þú hefur þegar undursamlega boðað að vér erum fullkomlega kjörbörn þín. Veit oss þjónum þínum að vér heyrum rödd þíns elskaða Sonar og verðskuldum að verða samerfingjar hans. Því að hann er Guð, sem með þér lifir og ríkir í einingu Heilags Anda, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Þú heimsins ljós, Guðs ljómi skær,ó, lýs þú, Kristur, fjær og nær,leið alla týnda til þín heimog tak í náð á móti þeim.Lát alla, sem ei þekkja þig,og þá, sem villast, átta sig,frá birtu þinni bjarma fáog blessun finna, marki ná.Vek, hirðir góði, hverja sál,sem hyllir blekking, lokkar tál,og hverja sjúka, sára öndþín sefi mjúka læknishönd.Lát eyrun daufu opnast þér,ljúk upp þeim hug, sem byrgður er,svo hjartað finni frelsi sittog friðinn eina, ríki þitt.Gef blindum augum bót og sýn,að birtist öllum náðin þín,ger alla menn að einni hjörðí einni trú á nýrri jörð.Svo verði allir eitt í þér,sem allra synd og raunir ber,eins hér á jörð sem himnum á,þú hjartans sanna von og þrá. Amen.

¹Svo segir Drottinn við drottin minn: „Sest þú mér til hægri handar * þá mun ég leggja óvini þína sem fótskör að fótum þér.“

²Drottinn réttir út þinn volduga sprota frá Síon * drottna þú mitt á meðal óvina þinna!

³Þjóð þín kemur sjálfboða á valdadegi þínum. Í helgu * skrauti frá skauti morgunroðans kemur dögg æskuliðs þíns til þín.

⁴Drottinn hefur svarið, og hann iðrar þess eigi * „Þú ert prestur að eilífu, að hætti Melkísedeks.“

⁵Drottinn er þér til hægri handar * hann knosar konunga á degi reiði sinnar.

⁷Á leiðinni drekkur hann úr læknum * þess vegna ber hann höfuðið hátt.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹Helgigönguljóð Ég hef augu mín til fjallanna * Hvaðan kemur mér hjálp?

²Hjálp mín kemur frá Drottni * skapara himins og jarðar.

³Hann mun eigi láta fót þinn skriðna * vörður þinn blundar ekki.

⁴Nei, hann blundar ekki og sefur ekki * hann, vörður Ísraels.

⁵Drottinn er vörður þinn, Drottinn skýlir þér * hann er þér til hægri handar.

⁶Um daga mun sólarhitinn eigi vinna þér mein * né heldur tunglið um nætur.

⁷Drottinn mun vernda þig fyrir öllu illu * hann mun vernda sál þína.

⁸Drottinn mun varðveita útgöngu þína og * inngöngu héðan í frá og að eilífu.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

¹⁶Og víst er leyndardómur guðhræðslunnar mikill: Hann opinberaðist í holdi, var réttlættur í anda * birtist englum, var boðaður með þjóðum, var trúað í heimi, var hafinn upp í dýrð.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Rm 8, 16-17Sjálfur Andinn vitnar með vorum anda, að vér erum Guðs börn. En ef vér erum börn, þá erum vér líka erfingjar, og það erfingjar Guðs, en samarfar Krists, því að vér líðum með honum, til þess að vér einnig verðum vegsamlegir með honum.

Heiður og vegsemd eru fyrir augliti hans, * hallelúja, hallelúja.

Heiður og vegsemd eru fyrir augliti hans, * hallelúja, hallelúja.

Máttur og prýði í helgidómi hans.

Hallelúja, hallelúja.

Dýrð sé Föðurnum og Syninum og hinum Heilaga Anda.

Heiður og vegsemd eru fyrir augliti hans, * hallelúja, hallelúja.

⁴⁶Önd mín miklar Drottin

⁴⁷og andi minn gleðst í Guði * frelsara mínum.

⁴⁸Því að hann hefur litið til ambáttar sinnar í smæð hennar * héðan af munu allar kynslóðir mig sæla segja.

⁴⁹Því að mikla hluti hefur hinn voldugi við mig gjört * og heilagt er nafn hans.

⁵⁰Miskunn hans við þá, er óttast hann * varir frá kyni til kyns.

⁵¹Máttarverk hefur hann unnið með armi sínum og * drembilátum í hug og hjarta hefur hann tvístrað.

⁵²Valdhöfum hefur hann steypt af * stóli og upp hafið smælingja,

⁵³hungraða hefur hann fyllt gæðum * en látið ríka tómhenta frá sér fara.

⁵⁴Hann hefur minnst miskunnar sinnar og * tekið að sér Ísrael, þjón sinn,

⁵⁵eins og hann talaði til feðra vorra * við Abraham og sæði hans ævinlega.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Einlæglega og auðmjúklega biðjum vér Guð, sem hugsar um alla menn, og hrópum:Drottinn, vér treystum þér.Styrktu alltaf Kirkju þína.Gef heilsu páfa vorum N.Lýstu biskupi vorum N.Kallaðu verkamenn til uppskeru þinnar.Blessaðu ættingja vora.Læknaðu sjúka.Heimsæktu deyjendur.Leiddu útlaga til föðurlands þeirra.Bæg þú hamförum frá oss.Veittu hagstæða veðráttu.Gef oss næga vökvun.Gef látnum eilífa hvíld.

Faðir vor, þú sem ert á himnum,helgist þitt nafn,komi þitt ríki,verði þinn vilji,svo á jörðu sem á himni.Gef oss í dag vort daglegt brauð,og fyrirgef oss vorar skuldir,svo sem vér og fyrirgefum vorum skuldunautum,og eigi leið þú oss í freistni,heldur frelsa oss frá illu.

Guð, fyrir vitnisburð feðranna hefur þú staðfest leyndardóma trúarinnar við dýrlega ummyndun þíns eingetna Sonar. Þú hefur þegar undursamlega boðað að vér erum fullkomlega kjörbörn þín. Veit oss þjónum þínum að vér heyrum rödd þíns elskaða Sonar og verðskuldum að verða samerfingjar hans. Því að hann er Guð, sem með þér lifir og ríkir í einingu Heilags Anda, um aldir alda.Amen.

Í fjarveru prests eða djákna og ef einn er að verki lýkur morgunbæninni þannig: † Drottinn blessi oss og varðveiti oss frá öllu illu. Hann leiði oss til eilífs lífs.

Guð, kom mér til hjálpar.Drottinn, skunda mér til bjargar.Dýrð sé Föðurnum. Svo sem var. Hallelúja.

Ég játa fyrir almáttugum Guðiog yður, bræður og systur,að ég hef syndgað mjögí hugsun, orði, athöfnog vanrækslu:mín sök, mín sök, mín mikla sök.Því bið ég alsæla Maríu, ætíð mey,alla engla og dýrlingaog yður, bræður og systur,að biðja fyrir mér við Guð, Drottin vorn.Almáttugur Guð miskunni oss,fyrirgefi oss syndir vorar og leiði oss til eilífs lífs.Amen.

Ó, Drottinn hjá mér dvel í nóttþví degi hallar skjóttSjá, skuggar nætur nálgast óttver nær mér Guð í nótt.Ó, dvel hjá mér um dimma nóttdag þú fylgdir mérog kveiktir hjá mér kærleiksgnóttþá kyrrð ég fann hjá þér.Ó, ver hjá mér, halt vörð í nóttég veikur og einn erÞín huggun virðist hulin mérég hryggur leita’ að þér.Ó, Drottinn hjá mér dvel í nótt,nú dimma tekur óttÉg sekur er, ó, send mér þróttog seg mér verði rótt. Amen.

¹Varðveit mig, Guð * því að hjá þér leita ég hælis.

²Ég segi við Drottin: „Þú ert Drottinn minn * ég á engin gæði nema þig.“

³Á hinum heilögu sem í landinu eru og hinum dýrlegu * á þeim hefi ég alla mína velþóknun.

⁴Miklar eru þjáningar þeirra, er kjörið hafa sér annan guð. Ég vil * eigi dreypa þeirra blóðugu dreypifórnum og eigi taka nöfn þeirra mér á varir.

⁵Drottinn er hlutskipti mitt og minn afmældi bikar * þú heldur uppi hlut mínum.

⁶Mér féllu að erfðahlut indælir staðir * og arfleifð mín líkar mér vel.

⁷Ég lofa Drottin, er mér hefur ráð gefið * jafnvel um nætur er ég áminntur hið innra.

⁸Ég hefi Drottinn ætíð fyrir augum * þegar hann er mér til hægri handar, skriðnar mér ekki fótur.

⁹Fyrir því fagnar hjarta mitt, sál mín gleðst * og líkami minn hvílist í friði,

¹⁰því að þú ofurselur Helju eigi sál mína * leyfir eigi að þinn trúaði sjái gröfina.

¹¹Kunnan gjörir þú mér veg lífsins, gleðignótt er fyrir augliti þínu * yndi í hægri hendi þinni að eilífu.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

1Þ 5, 23Sjálfur friðarins Guð helgi yður algjörlega og andi yðar, sál og líkami varðveitist alheill og vammlaus við komu Drottins vors Jesú Krists.

Drottinn, * í þínar hendur fel ég anda minn.

Drottinn, * í þínar hendur fel ég anda minn.

Þú hefur frelsað oss, Drottinn, sannleikans Guð.

Í þínar hendur fel ég anda minn.

Dýrð sé Föðurnum og Syninum og hinum Heilaga Anda.

Drottinn, * í þínar hendur fel ég anda minn.

¹Nú lætur þú, Drottinn, þjón þinn í friði fara, * eins og þú hefir heitið mér,

²því að augu mín hafa séð * hjálpræði þitt,

³sem þú hefir opinberað * í augsýn allra lýða,

⁴ljós til opinberunar heiðingjum * og til vegsemdar lýð þínum Ísrael.

Dýrð sé Föðurnum og Syninum * og hinum Heilaga Anda.

Svo sem var í öndverðu, er enn og verður ávallt * og um aldir alda. Amen.

Drottinn, Guð vor, styrk oss eftir erfiði dagsins með hvíld næturinnar, svo að vér fáum stöðugt þjónað þér endurnýjuð á líkama og sál. Fyrir Krist, Drottin vorn.Amen.

Drottinn veiti oss hljóða nótt og ákjósanleg ævilok. Amen.

Blíða móðir Frelsarans,himnahlið, sævarstjarna,hraða þér til hjálpar lýð þínum,sem þrátt fyrir hrösun vill reisa sig við.Þú sem fæddir skapara heimsins,og braust lögmál náttúrunnar,hélst flekklausum meydómi þínum.Lít til syndara í náð.