Gamla testamentiðSpeki og ljóð
Til helgisöngs. Með strengjaleik. Djúpraddað. Davíðs-sálmur.
Drottinn, refsa mér ekki í reiði þinni og hirt mig ekki í heift þinni.
Líkna mér, Drottinn, því að eg örmagnast, lækna mig, Drottinn, því að bein mín tærast,
og sál mín er mjög óttaslegin, en þú, ó Drottinn — hversu lengi?
Snú þú aftur, Drottinn; frelsa sálu mína, hjálpa mér sakir elsku þinnar.
Því að enginn minnist þín í dánarheimum; hver skyldi lofa þig hjá Helju?
Eg er þreyttur af andvörpum mínum; eg lauga rekkju mína hverja nótt, læt hvílu mína flóa í tárum.
Augu mín eru döpruð af harmi, orðin sljó sakir allra fjandmanna minna.
Farið frá mér, allir illgjörðamenn, því að Drottinn hefir heyrt grátraust mína.
Drottinn hefir heyrt grátbeiðni mína; Drottinn tekur á móti bæn minni.
Allir óvinir mínir skulu verða til skammar og skelfast mjög, snúa sneyptir burt alt í einu.