Gamla testamentiðSpámennirnir
Heyrið orð Drottins, þér Ísraelsmenn! Því að Drottinn hefir mál að kæra gegn íbúum landsins, því að í landinu er engin trúfesti, né kærleikur, né þekking á Guði.
Þeir sverja og ljúga, myrða og stela og hafa fram hjá; þeir brjótast inn í hús, og hvert vígið tekur við af öðru.
Fyrir því drúpir landið og alt visnar, sem í því er, jafnvel dýr merkurinnar og fuglar himinsins, og enda fiskarnir í sjónum eru hrifnir burt.
Þó ávíti enginn og álasi enginn. En á yður deili eg, þér prestar.
B Þér skuluð steypast á degi, og jafnvel spámennirnir skulu steypast með yður á nóttu, og eg vil afmá móður yðar.
Lýður minn verður afmáður, af því að hann hefir enga þekkingu. Af því að þér hafið hafnað þekkingunni, þá vil eg hafna yður, svo að þér séuð ekki prestar fyrir mig; og með því að þér hafið gleymt lögmáli Guðs yðar, þá vil eg og gleyma börnum yðar.
Því voldugri sem þeir urðu, því meir syndguðu þeir gegn mér; vegsemd sinni skifta þeir fyrir smán.
Þeir lifa af synd lýðs míns og þá langar í misgjörð þeirra.
En fyrir lýðnum skal fara eins og fyrir prestunum: eg skal hegna honum fyrir athæfi hans og gjalda honum fyrir verk hans.
Þeir skulu eta, en þó ekki saddir verða, þeir skulu hórast, en engan unað af því hafa, því að þeir hafa yfirgefið Drottin.
hór, vín og vinberjalögur tekur vitið burt.
Lýður minn gengur til frétta við trédrumb sinn, og stafsproti hans veitir honum andsvör. Því að hórdómsandi hefir leitt þá afvega, svo að þeir drýgja hór, ótrúir Guði sínum.
Efst uppi á fjöllunum fórna þeir sláturfórnum og á hæðunum færa þeir reykelsisfórnir, undir eikum, öspum og terebintum, því að skuggi þeirra er ununarfullur. Fyrir því drýgja dætur yðar hór og fyrir því hafa yðar ungu konur fram hjó.
Eg vil ekki hegna dætrum yðar fyrir það að þær drýgja hór, né yðar ungu konum fyrir það að þær hafa fram hjá, því að þeir ganga sjálfir afsíðis með portkonum og fórna sláturfórnum með hofskækjum, og fávitur lýðurinn steypir sér í glötun.
Þótt þú, Ísrael, drýgir hór, þá láti Júda sér það ekki á verða. Farið eigi til Gilgal og gangið ekki upp til Betaven og sverjið ekki: »Svo sannarlega sem Drottinn lifir«
Því að Ísrael er orðinn baldinn, eins og haldin kýr; á Drottin nú að halda þeim til haga eins og lömbum á víðu haglendi?
Efraím er orðinn skurðgoða félagi. Lát hann Eiga sig.
Víndrykkja þeirra hefir lent í spilling. Þeir drýgja hór; þeir elska svívirðinguna meir en hann, sem er tign þeirra.
Vindhylur vefur þá innan í vængi sína, svo að þeir verði til skammar vegna altara sinna.