Gamla testamentiðSpeki og ljóð
Til helgisöngs. Með Gat-lagi. Kóraita-sálmur.
Hversu yndislegir eru bústaðir þínir, Drottinn hersveitanna.
Sálu mína langaði til, já hún þráði forgarða Drottins; nú fagnar hjarta mitt og hold fyrir hinum handa Guði.
Jafnvel fuglinn hefir fundið hús og svalan á sér hreiður, þar sem hún leggur unga sína: ölturu þín, Drottinn hersveitanna, konungur minn og Guð minn!
Sælir eru þeir, sem búa í húsi þínu, þeir munu framvegis lofa þig. Sela.
Sælir eru þeir menn, sem finna styrkleik hjá þér, er þeir hafa helgifarir í huga.
Þótt þeir fari gegnum táradalinn, breytir hann honum í vatnslindir, og haustregnið hylur hann blessun.
Þeim eykst æ kraftur á göngunni; hann birtist fyrir Guði á Zion.
Drottinn, Guð hersveitanna, heyr bæn mína, hlýð til, þú Jakobs Guð. Sela.
Guð, skjöldur vor, sjá og lít á auglit þíns smurða.
Því að einn dagur í forgörðum þínum er betri en þúsund aðrir; heldur vil eg standa við þröskuldinn í húsi Guðs míns en dvelja í tjöldum óguðlegra.
Því að Drottinn Guð er sól og skjöldur, náð og vegsemd veitir Drottinn; hann synjar þeim engra gæða, er ganga Í grandvarleik.
Drottinn hersveitanna, sæll er sá maður, sem treystir þér.