Gamla testamentiðSpámennirnir
Og orð Drottins kom til mín, svo hljóðandi:
manns-son, spá þú gegn spámönnum Ísraels, þeim er spá, og seg við spámennina, sem spá frá eigin brjósti: Heyrið orð Drottins!
svo segir Drottinn Guð: Vei hinum heimsku spámönnum, sem fara eftir hugarburði sjálfra sín og því, er þeir hafa ekki séð.
Spámenn þínir, Ísrael, eru sem refar í rústabrotum.
Þér hafið ekki gengið fram í vígskörðin og þér hafið engan virkisgarð hlaðið í kring um Ísraels hús, til þess að standast í stríðinu á degi Drottins.
Þeir sáu hégómasýnir og fóru með lygispádóma, þeir er sögðu: »Drottinn segir«, en þótt Drottinn hefði ekki sent þá, og væntu síðan að orðin mundu rætast.
Eru það ekki hégómasýnir, sem þér hafið séð, og lygispádómar, sem þér hafið farið með, og segið þó: »Drottinn segird en þótt eg hafi eigi talað?
Fyrir því segir Drottinn Guð svo: Með því að þér talið hégóma og sjáið lygar, þá skal eg láta yður kenna á því — segir Drottinn Guð.
Og hönd mín skal vera upp í móti þeim spámönnum, sem sjá hégóma sýnir og fara með lygispádóma; þeir skulu eigi vera í félagi þjóða! minnar og eigi vera ritaðir á skrá Ísraels húss, og inn í Ísraelsland skulu þeir ekki koma, og þannig skuluð þér kannast við, að eg Drottinn.
Fyrir þá sök og vegna þess að þeir hafa leitt lýð minn í villu með því að segja: heill! þar sem engin heill var, og þegar hann hlóð vegg, riðu þeir kalki á hann, —
seg þú kölkurunum: Hann skal hrynja. Sjá, eg mun láta koma steypiregn, sem skolar honum burt; haglsteinar skulu niður falla og stormbylur á skella.
Þá hrynur veggurinn. Mun þá ekki verða við yður sagt: Hvar er nú kalkið, er þér riðuð á vegginn?
Fyrir því segir drotinn Drottinn svo: í heift minni skal eg láta stormbyl á skella, og dynjandi steypiregn skal á koma vegna reiði minnar og haglsteinar vegna heiftar minnar til algjörðrar tortímingar.
Eg skal brjóta niður vegginn, sem þér hafið kalkað, og bylta honum til jarðar, svo að undirstaða hans komi í ljós; og hann mun hrynja, og þér munuð verða á milli og tortímast og viðurkenna, að eg er Drottinn.
Og eg vil úthella allri reiði minni yfir vegginn og yfir þá, sem riðu kalki á hann, og eg mun segja við yður: Horfinn er veggurinn og horfnir eru þeir, sem riðu hann kalki,
spámenn Ísraels, sem spá fyrir Jerúsalem og þykjast sjá heillasýnir henni til handa, þar sem þó engin heill er — segir Drottinn Guð.
En þú, manns-son, snú þú augliti þínu gegn dætrum þjóðar þinnar, þeim er spá eftir eigin hugboði, og spá þú móti þeim
ogseg: Svo segir Drottinn Guð: Vei þeim, sem sauma bindi fyrir alla úlnliði og búa til skýlur fyrir höfuð manna, hvers vaxtar sem er, til þess að veiða sálir. Hvort ætlið þér að veiða sálir hjá þjóð minni og halda lífinu í sálum yður til handa?
Þér vanhelgið mig hjá þjóð minni fyrir nokkura hnefa af byggi og nokkura brauðbita, til þess að deyða sálir, sem ekki eiga að deyja, og halda lífinu í sálum, sem ekki eiga að lifa, með því að ljúga að þjóð minni, sem hlustar á lygar.
Fyrir því segir Drottinn Guð svo: Sjá, eg skal hafa hendur á bindum yðar, þeim er þér veiðið með sálir, og eg skal slíta þau af armleggjum yðar og láta lausar sálir þær, er þér veiðið, sem væru þær fuglar.
Og eg skal slíta sundur skýlur yðar og frelsa lýð minn úr yðar höndum, svo að þeir séu ekki lengur veiðifang í yðar höndum, og þér skuluð viðurkenna, að eg er Drottinn.
Vegna þess að þér hrellið hjarta hins ráðvanda með lygum, þar sem eg vildi þó eigi hafa hrelt hann, og af því að þér styrkið hendur hins óguðlega, til þess að hann snúi sér ekki frá sinni vondu breytni og forði lífi sínu,
þess vegna skuluð þér ekki framar sjá hégómasýnir og ekki framar fara með lygispádóma; eg vil frelsa lýð minn af yðar höndum, og þér skuluð viðurkenna, að eg er Drottinn.