Ríki himnanna má líkja við tíu meyjar sem tóku lampana sína og gengu út á móti brúðgumanum.

Fimm þeirra voru fávísar og fimm hyggnar. Hinar fávísu tóku lampana sína en enga olíu með sér; hinar hyggnu tóku olíu í kerum ásamt lömpunum.

Brúðgumanum dvaldist, og þær syfjaði allar og sofnuðu.

Um miðnætti var kallað að brúðguminn væri kominn og að þær skyldu ganga út til móts við hann.

Þá vöknuðu þær allar og tóku að búa lampa sína. Hinar fávísu báðu hinar hyggnu um olíu, því að það væri að slokkna á lömpum þeirra.

Hinar hyggnu svöruðu að það kæmi ekki til greina: olían myndi ekki duga bæði þeim og hinum, og þær skyldu heldur fara til kaupmannanna og kaupa handa sjálfum sér.

Meðan þær voru farnar að kaupa kom brúðguminn. Þær sem viðbúnar voru fóru með honum inn í brúðkaupið, og dyrunum var lokað. Síðar komu hinar og báðu um að upp yrði lokið fyrir þeim, en hann svaraði þeim að hann þekkti þær ekki.

Vakið því, sagði Jesús, því að þér vitið hvorki daginn né stundina.