Gamla testamentiðSpeki og ljóð
Helgifaraljóð. Eftir Davíð. Eg varð glaður, er menn sögðu við mig: Göngum í hús Drottins!
Fætur vorir standa í hliðum þínum, Jerúsalem.
Jerúsalem, þú hin endurreista, borgin þar sem öll þjóðin safnast saman,
þangað sem kynkvíslirnar fara, kynkvíslir Jah — það er regla fyrir Ísrael — til þess að lofa nafn Drottins;
því að þar standa dómarastólar, stólar fyrir Davíðs ætt.
Biðjið Jerúsalem friðar, hljóti heill þeir, er elska þig.
Friður sé kring um múra þína, heill í höllum þínum.
Sakir bræðra minna og vina óska eg þér friðar;
sakir húss Drottins, Guðs vors, vil eg leita þér hamingju.