Gamla testamentiðSpámennirnir
Vér höfum fengið vitneskju frá Drottni og boðberi er sendur meðal þjóðanna: Af stað! Vér skulum halda af stað, til þess að herja á hann?
Sjá, eg vil gjöra þig líunn meðal þjóðanna, þú munt verða mjög fyrirlitinn.
Hroki hjarta þíns hefir dregið þig á tálar, þú sem átt bygð í klettaskorum og situr í hæðum uppi, sem segir í hjarta þínu: Hver getur steypt mér niður til jarðar!
Þótt þú sætir hátt, eins og örninn, og hygðir hreiður þitt meðal stjarnanna, þá steypi eg þér þaðan niður, segir Drottinn.
Ef þjófar koma að þér eða ræningjar á náttarþeli — hversu ert þú í eyði lagður —, stela þeir þá ekki, þar til er þeim nægir? Ef vínlestursmenn ráðast á þig, skilja þeir þá ekki eftir neinn eftirtíning?
En hversu vandlega hefir verið leitað hjá Esaú og leitaðir uppi fólgnir dýrgripir hans.
Allir sambandsmenn þínir reka þig út á landamærin; þeir, sem lifðu í friði við þig, draga þig á tálar, bera þig ofurliði; þeir, sem átu brauð þitt, leggja fyrir þig snörur, sem eigi er unt að sjá.
Já, á þeim degi, segir Drottinn, mun eg afmá vitra menn í Edóm og hyggindin á Esaú-fjöllum.
Kappar þínir, Teman, skulu skelfast, til þess að hver maður verði upprættur af Esaú-fjöllum í manndrápunum.
Sökum ofríkis þess, er þú hefir sýnt bróður þínum Jakob, skal smán hylja þig, og þú skalt að eilífu upprættur verða.
Þann dag, er þú stóðst andspænis honum, þann dag, er aðkomnir menn fluttu burt fjárafla hans hertekinn og útlendingar brutust inn um borgarhlið hans og urpu hlutkesti um Jerúsalem, varst og þú sem einn af þeim.
Horf eigi með ánægju á dag bróður þíns, á ógæfudag hans, og gleð þig eigi yfir Júda-sonum á eyðingardegi þeirra og lát þér eigi stóryrði um munn fara á neyðardegi þeirra.
Ryðst ekki inn um hlið þjóðar minnar á glötunardegi þeirra, horf ekki þú líka með ánægju á óhamingju hennar á glötunardegi hennar og rétt þú ekki út höndina eftir íjárafta hennar á glötunardegi hennar.
Nem eigi staðar á vegamótum, til þess að drepa niður flóttamenn hennar, og framsel eigi menn hennar, þá er undan komast, á degi neyðarinnar.
Því að dagur Drottins er nálægur fyrir allar þjóðir; eins og þú hefir öðrum gjört, eins skal þér gjört verða; gjörðir þínar skulu þér í koll koma.
Því að eins og þér hafið drukkið á mínu heilaga fjalli, svo skulu allar þjóðirnar drekka stöðuglega; þær skulu drekka og sötra, og verða eins og þær aldrei hefðu til verið.
En á Zíonfjalli skal frelsun verða, og það skal heilagt vera, og Jakobs niðjar skulu fá aftur eignir sínar.
Og Jakobs hús mun verða að eldi og Jósefs hús að loga og Esaú hús að hálmi, og þeir munu kveikja í þeim og eyða þeim, svo að ekkert skal eftir verða af Esaú-niðjum; því að Drottinn hefir talað það.
Sunnlendingar skulu taka Esú-fjöll til eignar og Sléttumenn Filisteu, Þeir munu og taka Efraímsland og Samaríuland til eignar, og Benjamín Gíleað.
Þeir af Ísraelsmönnum, er teknir hafa verið í vígi þessu og fluttir burt hernumdir, munu taka það til eignar, sem Kanaanítar eiga, alt til Zarpat, og þeir, sem fluttir hafa verið burt hernumdir frá Jerúsalem, þeir sem eru í Sefarad, munu taka til eignar borgir Suðurlandsins.
Og fretsendur munu fara upp til Zíonfjalls, til þess að dæma Esaú-fjöll, og Drottins mun hljóta konungsvaldið.