Jesajabók er lengsta spámannsritið og spannar langt tímabil. Fyrri hlutinn er tengdur Jesaja spámanni í Jerúsalem á áttundu öld fyrir Krist, en fræðimenn telja síðari hlutana hafa orðið til í og eftir útlegðinni. Þar skiptast á dómsorð yfir þjóðinni og nágrönnum hennar og sum sterkustu huggunarorð Biblíunnar. Kaflarnir um þjón Drottins eru meðal þeirra texta sem kirkjan les oftast á föstunni.