Gamla testamentiðSaga
En Haggaí spámaður og Sakaría Íddósson, spámennirnir, spáðu hjá Júðum, þeim er voru í Júda og Jerúsalem, í nafni Ísraels Guðs, sem yfir þeim var.
Þá fóru þeir Serúbabel Sealtíelsson og Jesúa Józadaksson til og hófu að byggja musteri Guðs í Jerúsalem, og spámenn Guðs voru með þeim og aðstoðuðu þá.
Um þær mundir komu til þeirra Tatnaí, landstjóri héraðsins hinumegin Fljóts, og Star-Bósnaí Og samborgarar þeirra og mæltu til þeirra á þessa leið: Hver hefir leyft yður að reisa þetta hús og fullgjöra þessa múra?
Síðan mæltu þeir til þeirra á þessa leið: Hvað heita menn þeir, er reisa stórhýsi þetta?
En auga Guðs þeirra vakti yfir öldungum Júða, svo að menn gátu ekki stöðvað þá, þar til er málið kæmi til Daríusar og bréfleg skipun um þetta væri komin aftur.
Afrit af bréfinu, sem þeir Tatnaí, landstjóri héraðsins hinumegin Fljóts, og Star-Bósnaí og samborgarar hans, Afarsekear, sem bjuggu í héraðinu hinumegin Fljóts, sendu Daríusi konungi
skýrslu sendu þeir honum og þannig var ritað í henni —: Hvers kyns heill Daríusi konungi!
Konunginum sé vitanlegt, að vér höfum farið til skattlandsins Júda, til musteris hins mikla Guðs; er verið að byggja það úr stórum steinum og eru bjálkar settir inn í veggina; er unnið kostgæíilega að verki þessu og miðar því vel áfram hjá þeim.
Því næst spurðum vér öldungana — mæltum vér til þeirra á þessa leið: Hver hefir leyft yður að reisa þetta hús og fullgjöra þessa múra?
Líka spurðum vér þá að heiti, til þess að láta þig vita, svo að vér gætum skrifað upp nöfn þeirra manna, er forustuna hafa.
Og þeir svöruðu oss á þessa leið: Vér erum þjónar Guðs himinsins og jarðarinnar og reisum af nýju musterið, sem bygt var fyrir æfalöngu, og reisti það og fullgjörði mikill konungur í Ísrael.
En af því að feður vorir höfðu egnt Guð himinsins til reiði, þá ofurseldi hann þá í hendur Nebúkadnezars Babel-konungs, Kaldeans; hann lagði musteri þetta í eyði og flutti lýðinn til Babel.
En á fyrsta ári Kýrusar, konungs í Babel, veitti Kýrus konungur leyfi til að endurreisa þetta musteri Guðs.
Og einnig gull- og silfur-áhöldin úr húsi Guðs, þau er Nebúkadnezar hafði haft á burt úr musterinu í Jerúsalem og flutt til musterisins í Babel, þau tók Kýrus konungur úr musterinu í Babel, og voru þau fengin manni þeim, er hann hafði skipað landstjóra og Sesbazar hét.
Og hann sagði við hann: Tak áhöld þessi, far og legg þau í musterið í Jerúsalem; og hús Guðs skal aftur reist verða á sínum fyrra stað.
Síðan kom Sesbazar þessi og lagði grundvöllinn að húsi Guðs í Jerúsalem, og síðan fram á þennan dag hafa menn verið að byggja það, og enn er því ekki lokið.
Og nú, ef konunginum þóknast svo, þá sé gjörð leit í ljárhirzlu konungsins þar í Babel, hvort svo sé, að Kýrus hafi veitt leyfi til að reisa þetta musteri Guðs í Jerúsalem; og konungur láti oss vita vilja sinn í þessu máli.