Gamla testamentiðSpámennirnir
Og orð Drottins kom til mín, svo hljóðandi:
Þú manns-son, vilt þú dæma, vilt þú dæma hina Þblóðseku borg? Leið henni þá fyrir sjónir allar svívirðingar hennar
og seg: Svo segir Drottinn Guð: Ó borg, sem úthelti blóði innan borgarveggja sinna, til þess að tími hennar kæmi, og gjörði sér skurðgoð, til þess að saurga sig.
Fyrir blóðið, sem þú hefir úthelt, ert þú sek orðin, og fyrir skurðgoðin, sem þú gjörðir, ert þú óhrein orðin; þú hefir flýtt fyrir degi þínum, og æfilok þín eru komin. Þess vegna gjöri eg þig að háðung meðal þjóðanna og að athlægi allra landa.
Þeir sem eru nálægt þér og þeir sem eru langt frá þér munu hæða þig, þú borg með flekkað mannorð, full af róstum.
Sjá, höfðingjar Ísraels, sem í þér búa, úthella blóði, hver sem betur getur,
Hjá þér eru faðir og móðir fyrirlitin, við útlendinga beita menn kúgun í þér, munaðarleysingja og ekkjur undiroka menn hjá þér.
Þú fyrirlítur helgidóma mína og vanhelgar hvíldardaga mína.
Hjá þér eru bakmælgismenn, sem koma manndrápum til leiðar, hjá þér eta menn fórnarkjöt á fjöllunum; menn fremja saurlifnað í þér miðri.
Hjá þér bera menn blygðan föður síns; hjá þér nauðga menn konum, sem óhreinar eru vegna tíða.
Einn fremur svívirðu með konu náunga síns, annar flekkar tengdadóttur sína með saurlifnaði og enn annar nauðgar hjá þér systur sinni, dóttur föður síns.
Menn þiggja mútur hjá þér, til þess að úthella blóði; þú hefir tekið fjárleigu og vexti og haft af náunga þínum með ofríki, en mér hefir þú gleymt, segir Drottinn Guð.
En sjá: eg slæ höndum saman yfir því rangfengna fé, sem þú hefir dregið þér, og yfir blóðskuld þeirri, sem í þér er.
Mun kjarkur þinn standast og hendur þínar haldast styrkar, þegar þeir dagarnir koma, er eg tek þig fyrir? Eg, Drottinn, tala það og mun framkvæma það.
Og eg mun tvístra þér meðal þjóðanna og dreifa þér út um löndin og gjörsamlega uppræta óhreinleik þinn úr þér,
og þú skalt vanhelguð verða í augsýn heiðingjanna, og þá skalt þú viðurkenna, að eg er Drottinn.
Og orð Drottins kom til mín, svo hljóðandi:
Manns-son, Ísraelsmenn eru orðir fyrir mér eins og sori. Þeir eru allir eins og eir og tin og járn og blý í bræðsluofni; þeir eru orðnir sorasilfur.
Fyrir því segir Drottinn Guð svo: Af því að þér eruð allir orðnir að sora, þá vil eg safna yður saman í Jerúsalem.
Eins og silfur og eir og járn og blý og tin er látið saman inn í bræðsluofn, til þess að blása eldi að því og bræða það, þannig mun eg safna yður saman í reiði minni og greini, láta yður þar inn og bræða yður.
Og eg mun stefna yður saman og blása að yður eldi gremi minnar, svo að þér skuluð bráðna þar.
Eins og silfrið er brætt í bræðsluofninum, svo skuluð þér bráðna í borginni og þá munuð þér viðurkenna, að eg, Drottinn, hefi úthelt reiði minni yfir yður.
Og orð Drottins kom til mín, svo hljóðandi:
Þú manns-son, seg við hana: Þú ert eins og land, sem ekki rigndi á, sem eigi Var vökvað á degi reiðinnar,
en þjóðhöfðingjar þess voru í því sem ösktandi ljón, er rífur sundur bráð sína; mannslífum hafa þeir eytt, eignir og dýrgripi hafa þeir tekið og fjölgað ekkjum í landinu.
Prestar hennar hafa brjálað lögmáli mínu og vanhelgað helgidóma mína; þeir hafa engan mun gjört á því, sem heilagt er og óheilagt, og eigi frætt menn um muninn á óhreinu og hreinu; og þeir hafa lokað augum sínum fyrir hvíldardögum mínum, svo að eg vanhelgaðist meðal þeirra.
Yfirmenn hennar voru í henni eins og sundurrífandi vargar og hugsuðu ekki um annað en að úthella blóði og eyða mannslifum, til þess að afla sér rangfengins gróða.
En spámenn hennar riðu á kalki fyrir þá, með því að boða þeim hégómasýnir og flytja þeim lygispádóma Og segja: Svo segir Drottinn Guð! en þótt Drottinn hafi ekki talað.
Landslýðurinn hefir haft kúgun og rán í frammi, þeir hafa undirokað Volaða og snauða og kúgað útlendinga án nokkurs réttar.
Og eg leitaði að einhverjum meðal þeirra, er hlaða vildi garð eða skipa sér í skarðið móti mér, landinu til varnar, til þess að eg legði það ekki í eyði; en eg fann engan.
Þá úthelti eg reiði minni yfir þá, gjöreyddi þeim með eldi gremi minnar; eg lét athæfi þeirra þeim í koll koma, Segir Drottinn Guð.