Gamla testamentiðSpámennirnir
Á þriðja ríkisári Belsazars konungs birtist mér, Daníel, sýn, eftir þá, sem áður hafði birst mér.
Og eg horfði í sýninni, og var þá, er eg horfði, sem eg væri í borginni Súsan, sem er í Elam-héraði, og eg horfði í sýninni og var eg staddur við Úlai-fljótið.
Þá hóf eg upp augu mín og leit hrút nokkurn standa fram við fljótið; hann var tvíhyrndur, og há hornin, og þó annað hærra en hitt, og spratt hærra hornið síðar upp.
Eg sá hrútinn stanga hornum mót vestri, norðri og suðri, og engin dýr gátu við honum staðist, og enginn gat frelsað nokkurn undan valdi hans; hann gjörði sem honum leizt og framkvæmdi mikla hluti.
En er eg gaf nákvæmlega gætur að, sá eg að geithafur nokkur kom vestan; leið hann yfir alla jörðina, án þess að koma við hana; og hafurinn hafði afarstórt horn milli augnanna.
fí Hann kom til tvíhyrnda hrútsins, sem eg sá standa fram við fljótið, og rann á hann í heiftaræði.
Og eg sá hann hitta hrútinn á síðuna, og hann varð mjög illur við hann og laust hrútinn og braut bæði horn hans, svo að hrúturinn hafði ekki mátt til að veita honum viðnám; og hann fleygði honum til jarðar og tróð hann undir, og mátti enginn frelsa hrútinn undan valdi hans.
Og geithafurinn framkvæmdi mjög mikla hluti, en er máttur hans var sem mestur, brotnaði hornið mikla, og í þess stað spruttu upp önnur fjögur, gegnt höfuðáttunum fjórum.
Og út frá einu þeirra spratt annað litið horn og óx mjög til suðurs og austurs og mót prýði landanna.
Það óx og móti ber himnanna og varpaði til jarðar nokkurum af hernum og af stjörnunum, og tróð þá undir.
Já, hann óx móti höfðingja hersins, og hann lét afnema hina daglegu fórn, og hans heilagi bústaður var niðurrifinn.
Og ber var framseldur ásamt hinni daglegu fórn vegna misgjörðarinnar; og hann varp sannleikanum til jarðar, já, slíkt gjörði hann og var giftudrjúgur.
Þá heyrði eg einn heilagan tala, og annar heilagur sagði við hinn, sem talaði: Hvað á hún sér langan aldur þessi sýn um hina daglegu fórn og um hinn hræðilega glæp, frá því er hann framselur helgidóminn og herinn, svo að hann verði niður troðinn?
Og hann sagði við hann: Tvö þúsund og þrjú hundruð kveld og morgnar, og þá mun helgidómurinn aftur verða kominn í samt lag.
Þegar eg, Daníel, sá þessa sýn og leitaðist við að skilja hana, þá stóð alt í einu einhver frammi fyrir mér, ásýndar líkur manni.
Og eg heyrði mannsraust milli Úlaí-bakka, sem kallaði og sagði: Gabríel, útskýr þú sýnina fyrir þessum manni.
Og hann gekk til mín, þar sem eg stóð, en er hann kom, varð eg hræddur og féll fram á ásjónu mína. En hann sagði við mig: Gef gætur að, þú manns-son; því að sýnin á við tíð endalokanna.
Og meðan hann talaði við mig, leið eg í ómegin til jarðar fram á ásjónu mína; en hann snart mig og reisti mig aftur á fætur, þar er eg hafði staðið.
Og hann sagði: Sjá, eg kunngjöri þér, hvað verða muni, þá er hin guðlega reiði tekur enda; því að sýnin á við tíð endalokanna.
Tvíhyrndi hrúturinn, sem þú Sást, merkir konungana í Medíu og Persíu,
og hinn loðni geithafur merkir Grikklands konung, og hornið mikla milli augna hans er fyrsti konungurinn.
Og að það brotnaði og fjögur spruttu aftur upp í þess stað, það merkir, að fjögur konungsríki munu hefjast af þjóðinni, og þó ekki jafnvoldug sem hann var.
En er ríki þeirra tekur enda, þá er trúrofarnir hafa fylt mælinn, mun konungur nokkur upp rísa, bæði illúðlegur og hrekkvís.
Vald hans mun mikið verða, og þó eigi fyrir þrótt sjálfs hans; hann mun gjöra ótrúlega mikið tjón og verða giftudrjúgur í því, er hann tekur sér fyrir hendur. Hann mun voldugum tjón vinna og hugur hans beinast gegn hinum heilögu.
Vélræðum mun hann til vegar koma með hendi sinni og hyggja á stórræði og steypa mörgum í glötun, er þeir eiga sér einskis ills von; já, hann mun rísa gegn höfðingja höfðingjanna, en þó sundur mulinn verða án manna tilverknaðar.
Og sýnin um ykveld og morgun sem um var talað, hún er sönn; en leyn þú þeirri sýn, því að hún á sér langan aldur.
En eg, Daníel, varð sjúkur um hríð; því næst komst eg á fætur aftur og þjónaði að erindum konungs; og eg var mjög undrandi yfir sýn þessari, en skildi hana eigi.